اليوم راح انزل لكم طريقة الرز البخاري واعلمكم اسراره السر بالرز البخاري التكشينه ولون البصل هو اللي يعطي لون البخاري ثاني سر الكمون
نجي للمقادير
لحم سواء ذبيحه او لحم عادي
بصل ثلاث او اربع كبار اذا كمية الحم كثيره
جزر اربع حبات حبتين تقطينها باطول وحبتين بشر وممكن تزوي حسب كمية اللحم عندك
بليله مسلوقه ممكن ربع كاسه
زبيب حسب الرغبه فيه ناس مايحبوه كثير شوي حطي
قرفهاعواد كمون مطحون شطه قرون معجون طماطم
بندوره مطحونه
الطريقه
تحمسين البصل مع الزيت وياحبذا لو يكون معاه كم شحمه
نقلبه لحد مايعطينى اللون بني فاتح ماهو زي الصياديه لا بني فاتح بعدين تحطي اللحم وقلبيه لحد مايخذ اللون ويتقلا بعدين تضيفي الجزر المبشور ونترك الجرز المقطع طولي على جنب ونفس الكلام البخاري يبغاله طولة بال اصبر وبعده حطي نصف الزبيب بعد ماتنقعيه وتصفين وبعده حطي كمون ملعقه كبيره اذا كمية اللحم كثيره وحطى القرفه وبعدين اضيفي المعجون الطماطم وقلبي شوي يتسبك واضيفي الطماطم المطحونه وقلبي شوي لحد مايتسبك بعدها اضيفي الماء وخليه يستوي لمى يستوي اللحم ضيفي الملح وخليه يغلي شوي بعدها ضيفي الرز بعد ماتنقعيه ولازم الماء ماتكون كثيره وضيفي عليه شوي كمون كمان يغطي الرز بشوي بعد مايغلي الرز قصري عليه ولمى يبدي يشرب ماءه شوي انتي اقلي الجزر وبعده الزبيب وصفيه عن الزيت وحطي الزبيب والجرز والبليله فوق الرز وطي النار على اخر شي واتركيه يدمس وممكن تحطي فوق الغطاء منشفه بس انتبهي من النار بعد نص ساعه الى ٤٥دقيقه طفي عنه وعند الغرف شيلي الجرز والبليله والزبيب بصحن لوحده واغرفي الرز واللحم وحطي فوقه الزبيب والجزر والبليله اللي حطيتيها على جنب وبالعافيه
ملاحظه يمكن ياخذ اقل من النص الساعه على حسب الفرن بس كل ماكانت النار واطيه كل ماكان احسن واحيان احطه بالفرن القدر واخليه يطلع روعه بس اقصر عليه مره اخليه على راحته
كان نفسي احطلكم الخطوات بس ماصورة غير النتيجه النهائيه ان شاء الله يعجبكم
واذا حابين تشوفون خطواته شوفي ام يزيد التركستاني طريقتها نفس طريقتي
