حبيت احط العنوان لافت للنظر بس الظاهر اني كثرت هيااط :42:
بعطيكم الطريقه وجربوها وبعدين احكمو .. ابو الشباب كان مرابط بالمطبخ لين خلصت الطبخه يقول الريحه مخليتني استرخي .. بودي شوب على غفلة
المهم نجي للزبدة ..
المقادير:
دجاجة مسلوقه مع بهار صحيح (ورق غار + دارسين + فلفل اسود + هيل)
3 حبات بصل مقطع جوانح
5 فصوص ثوم مقطع صغار
2 فلفل اخضر بارد مقطع مربعات وسط
2 طماطم مقطع مربعات وسط (لاتكثرين طماط وفري فلوس لزوجك :p)
___
البهارات: (ملعقه حلا كاري + دارسين + كزبرة ناشفه + فلفل اسود+ ليمون ناشف+مكعبين ماجي+ ملح + زعفران+ كركم)
الطريقه:
نحمس البصل والثوم والفلفل بالزيت وبعدين الطماط ونضيف البهارات ونسيبها تتسبك 10 دقايق وبعدين نصف قطع الدجاج المسلوق ونخليهم دقايق كذا ونضيف نص كاس مويه .
نسلق الرز مع ملح بمرق الدجاج نص سلقه ونضيفه على الدجاج ونخليه على نار هادية 20 دقيقة وتقلبينه بالصحن وصحة وهنا..
انا سويت معاه سلطة هنديه حارة مرررره لذيذة :icon18:
علبه زبادي روب
فلفل اسود وملح
بحجم قبضة اليد كزبرة ونفسها نعناع
فصين ثوم
ملعقة طعام دبس رمان او ملعقة صغيره ملح ليمون وشويه كمون
تفرمين الثوم والكزبرة والنعناع وتخلطين كل المقادير مع بعضها
وهذه الصورة ..
جربوها اليوم وخبروني بالنتايج :wink2: