هلااااااااااااا وغلاااااااااااااااا بحبيبااات قلبي
زي ماوعدتكم اليوم جايبتلكم طريقه الرز بالخضار الصيني والايدااام الصيني اللي ماشالله اهلي ادماااااااااااان عليه
نبدأ بسم الله
مقاديـــــــــــــــــــــــــــر الرز بالخضار :
كوبين رز (طبعا الكميه تكفي لعدد قليل بس ممكن تزودي الكميه حسب عددكم )
حبتين جزر مقطعه مكعبات صغيره
3 ملاعق بازلا (انا استخدمت المجمده)
شعيريه خذي منها دائره وحده (هي تجي داوئر )
فصتين ثوم مفروم ناعم
زيت لتحمير الثوم
ملح
الطريـــــــــــــــــــــــــــــــقه:
تنقعي الرز في مويا دافيه وملح لمده نص ساعه قبل الطبخ
قطعي الجزر مكعبات صغيره وحطيه مع البازلا
في مويا حاااره ينسلقوو بس خليهم نص استوا
لانهم حينسلقو مع الرز بعدين ويكملو نضجهم
بعدها خرجيهم وصفيهم من المويا
بعدها خدي الثوم وحطيه في الزيت وخليه
لين يتحمر بس انتبهيله لانو بسرررعه ينحرق :mad:
وبعدها حطي الشعيريه ولاتنسي تكسريها
وخليها لين تحمر شويه وبعدين حطي الجزر
والبازلا وقلبيهم شويه وحطي بعدها الرز
وحطي الملح طبعا حسب الرغبه ولاتحطي
اي بهارات او بصل لان نكهة الثوم لوحدها
تااااااااخذ العقل واللي يجرب حيشوف
وبعدها غطي الرز بمويا بس لاتكثري يادوب يتغطى الرز تقريبا بإرتفاع واحد سم
لانو منقوع فحينضج بسررعه
لين تنشف مويته واطفي النار << اجل اش حتسوي يعني :22:
ووووبث وبكدا نكون انتهينا من الرز
ملاااااحظه ممكن تضيفي الخضار اللي تعجبك بس انا اكتفي بالجزر والبازلا
لان اغلب المطاعم بس يحطو
بازلا وجزر
نجي للايداااام الصيني
مقاديــــــــــــــــــــر الايدام :
حبه فلفل رومي
3 حبات جزر
حبه بطاطس كبيره
كميه مناسبه لكميه الخضار من الفاصوليا
قبضه يد تقريبا بازلا
بصله قطعيها شرايح
صويا صوص (الحلوة طبعا)
زيت لتحمير البصل
ملح +فلفل اسود + بهاراتك المعتمده
الطريقــــــــــــــــــــــــــــــــــــه:
قطعي الفلفل والجزر والفاصوليا والبطاطس كلها بالطول
وبعدها اسلقي الفاصوليا والبازلا لوحدهم لانهم ياخدو وقت اطول من الباقي
لييين يصيرو تقريبا نص استوا
وبعدها اضيفي البطاطس والجزر
وليين يقربوو يستوو حطي الفلفل الرومي
معاهم وخمس دقايق وطفي النار
وبعدها صفيهم من المويا
حطي البصل ع النار مع الزيت
ولين يتحمر البصل شويه
حطي الملح والفلفل الاسود والبهارات اللي تحبيها
وقلبيهم شويه وبعدين حطي الخضار وقلبيها
مع بعض وبعدها حطي عليها مقدار ملعقتين
الى ثلاث صويا صوص طبعا حسب
ماتحبي نسبه الحلى تكون فيها
وقلبيها واطفي النار عليها لانها اساسا مستويه
فماتحتاج وقت اكتر من كدا
وصحتيييييين وهنا ع قلوووب اللي حيجربووها
بجد ماحتندموووو
وزينيها بالكزبره الخضرا والليمون
طبعا انا قدمتها مع الشاورما اللي نزلت طريقتها
وهذا رابط الشاورما للي ماشافتها
http://forum.hawaaworld.com/showthread.php?t=2688109
وهدا الشكل النهائي للسفره
مع سلطه الطحيينه
وووووبث :27:
استودعكم الله الذي لاتضيع ودائعه
صلووووو ع النبي
اللهم صلي على محمد وعلى اله وصحبه وسلم
محبتكم دومــــــــــــــا : دلع آل العويــــــــــــــدي :39: