السلام عليكم كيف حالكم يا بنات، اليوم بنزلكم وصفه زر مشخول سهله ولذذذييذه جداً وربي جربوها ، طبعا انا اغلب وصفاتي اكون ماخذتها من المواقع ومجربتها ف انزلكم تجاربي
نص دجاجه مع الجلد مغسوله بالخل .. نبتلها بملح وفلفل اسود وبابريكا وبهارات مشكله
نضيف في قدر عميق او تاوه عميقه ويفضل نوع تيفال .. شوية زيت .. ثم نضيف الدجاجه من جهة الجلد ونخليها على نار عاليه لمدة دقيقتين لين تتحمر على خفيف .. ثم نقصر النار ع الاخر ونغطيها لمدة ٥ دقائق .. نقلب الدجاجه للجهة الثانيه .. نبعد الدجاجه على طرف التاوه .. ونضيف مكعبات بطاطس ورأس ثوم بالقشر وشرايح بصل ونتبلها بفلفل وملح نحركها شوي ونغطيها ونخليها على نار هاديه لين تتحمر البطاطس وتستوي ويستوي معها الدجاج ونضيف مكعبات فلفل رومي ملون .. ورشه كزبره خضرا ثم نقلب الدجاج بحيث يكون جلد الدجاج بالاسفل .
في هالاثناء نسلق الرز ثلاث ارباع الاستواء مع بهارات حب وقرون فلفد
حار وملح ، ونشخله وناخذ مقدار كوب واحد من ماء سلق الارز ونذوب فيه مكعب ماجي ونضيفه فوق الدجاج والبطاطس اللي تحمروا ونضجوا... نزش الدجاج شوي بهارات مشكله .. ونضيف الرز المسلوق فوقه ونوزع على وجه الرز قطع صغيره زبده .. نخليه على نار هاديه لمدة ربع ساعه .. ثم نقلبه في صحن التقديم .. وبالعافيه
ملاحظه.. الدجاج من البدايه ما نحط فيه اي مويه غير مويه سلق الارز بمقدار كوب واحد فقط
وروني تطبيقاتكم على السناب
❌❌❌❌❌❌
Abrarjh @abrarjh
عضوة جديدة
يلزم عليك تسجيل الدخول أولًا لكتابة تعليق.
كوكو أمل
•
إن شاء الله أجربه
الصفحة الأخيرة