يا أخوات أولاً العسل جداً مضر قبل السنة ما ينفع للطفل حار ع معدتهم . ثانياً اللي تحط لطفلها سكر وملح بالأكل بالله من قالك هالمعلومة هذي السمان الأبيضان ع الكبار كيف الصغار . ثالثاً الزبادي ايضاً قبل سنة ما ينعطى الطفل إذا مره حابه تعطينه بعد ٦ شهور ملعقه بس . رابعاً كل دكتور او دكتوره له نظرته ومو كل شي يقولونه صحيح انتبهوا من كثر الحكي . الطفل يتطعم عند البعض من الرابع فقط ع طرف لسانه تلحيس بسيط ليتذوق الأكل ويستسيغه . بعد كذا لما يكون عمره ٥ شهور ونص تبدأي بسلق الخضار أولاً ولا تبدأي بالفواكة لأنها حاليه يسير ما يبغى الخضار بعدين ابدأي مره بطاطس مع كوسة وجزر ومره بطاطس وكوسة ومره كوسة وجزر يعني كذا نوعي طبعاً بدون إضافة أي ملح أو بهارات فقط ماء . ولما تحسيه بدأ يستسيغ الأكل وينتظره بلهفه هنا ابدأي نوعي مره اسلقي تفاحه ومره خضار ومره رز مصري . اللحوم بالتدريج بعد الشهر العاشر تقريباً . أما بالنسبة للبرتقال فهو حار ع المعدة حتى الكبار ما ياكلوه ع معدة فارغه . أعصري له كم نقطة مع تفاح مثلاً . عاد كذا تبدأ بالتدريج كل مره تذوقيه شي ولا إفراط ولا تفريط حبة حبة بالقدر الكافي أهم شي يكون كسب فيتامينات مو مهم يمتن .. وبالتوفيق للجميع .