كيفكم ياحلوين ؟
بس حبيت اقول لكل اللي مايظبط معاهم الرز انا كنت زيكم والين ذحين اتعلم من امي وخالتي الله يجزاهم خير وكل يوم اتعلم من بنات المنتدى الله يعطيكم العافيه
واهم شي عشان ينجح الرز عندك
1) انك تشغلي الغلايه اول شي قبل ماتبدأي بالطبخ عشان المويه الحاره تساعدك على انه الرز يظبط معاك
2) تعلي النار بعد وضع الرز والمويه الحاره الين تقل المويه في القدر وبعدين وطي النار الين ينضج معاك الرز واذا احتاج مويه ضيفي بقدر فنجان قهوه مويه حاره
اليوم غدانا كان رز بالفلفل والخضار
اعذروني على التصوير لأن كاميرتي مو عندي عند اختي
نبدأ بالمقادير :
بصل- 3 قرون فلفل اخضر حار - فص ثوم - زنجبيل مبشور - دجاج مقطعه صغار - جزر مبشور - بطاطس مكعبات - بازاليا (( ولكم الحريه في اضافة اي نوع من الخضار ))
نضع المقادير بالترتيب
اولا البصل والفلفل والثوم والزنجبيل مع الزيت
الين يذبل شوي وبعدين نضيف الدجاج الين تنشف مويته
نضيف البهارات اللي هي
فلفل اسود وملح وماجي و بهارات مشكله
وشوية فلفل بودره (رشه بس)
بعدين نبدأ نضيف الخضار ماعدا البطاطس بنخليها قبل الرز بشويه ونقلب تقليبه خفيفه
بعد كذا نضيف البطاطس
والمويه الحاره (( ضروري تكون حاره لأنها لو كانت بارده بيعجن الرز عليك ))
بعدين على طول ضيفي الرز بع غسله جيداً
وتعلي النار اول شي الين تبدأ المويه تقل بعدين وطي النار على بال مايستوي الرز (( مهمه هذي الحركه )) وغطيت عليه الين نشفت المويه بعدين حطيت فوقه كزبره وبقدونس
وحطيت الغطا عليه شوي على بال ماجهزت الصحون والمويه وكذا
وبعدين قدمت الرز (( معليش يابنات ع التقديم بس كنّا مرررره جوعانين عشان كذا بسرعه بسرعه مامداني ازين
وهذا في صحني وصحن الرز الكبير *_*
وبالعافيه علينا وعليكم
ولأني صورت من الأيباد حملت الصور من برنامج في الايباد علشان كذا جاي في هيئة روابط لأني ماني عارفه للبرنامج ذا .. وسامحوني على التقصير
تم اظهاركل الصور بالموضوع
الاشرااااف