حيااااكم الله اخوااااتي
معنا اليوم الكبسه بالدجاج والشعيريه وأكيد كل وحده إذا دخلت المطبخ تبدع وتخترع وتطلع بشئ جديد انا سبق ونزلت هالطريقه بموضوع الكبسات ولكن ايضا اختفت الصور واليوم اعيدها لكم بالمقادير والصور
يلا تفضلوا معي عالمطبخ
بسم الله نبداء
نفرم بصل وثوم ونقلبه بشوي زيت لحد مايذبل بس انتبهي لايتحمر
نضيف دجاجه مقطعه قطع صغيره واعواد قرفه وخولنجان وفلفل اسود ونقلب
ثم نضيف الماء لحد مايغطي الدجاج ونضيف الملح ونهدي النار وياخذ 35 دقيقه تقريبا ونغسل الرز ونقعه في ماء ساخن
ثم نخرج الدجاج بالصينيه
ونصفي المرق ونضيف الرز مكان الدجاج ونخليه يستوي
نرجع للدجاج ونخلط التتبيله
ملعقتين كاتشب وملعقة خل وبهارات وفلفل اسود
وندهن به الدجاج ونرش عليه شوي كزبره خضراء مفرومه وجبن موزاريلا وندخله تحت المشواة ليتحمر
(ممكن تدهنيه بالتتبيله وتحطي الكزبره الخضراء ثم تحمريه شوي بالفرن وتخرجيه وترشي عليه الجبن وترجعيه للفرن لحد مايذوب الجبن )
وهنا بعد ماتحمر الدجاج بالخلطه
يتبع انتظروووووووا
حمست شوي شعيريه بقليل من الزيت
ونضيف شوي ماء وقليل من الملح وملعقه ص سكر وشوي هيل مطحون ونخليها تغلي لحد ماتننشف المويه ونهدي النار
(السكر ماراح يبين طعمه ابدا بس بيطلع للشعيريه نكهه طيبه )
نحضر صحن التقديم ونحط الرز وعليه الشعيريه وبجنبه الدجاج
او حسب رغبتك في التقديم وبالعاااااااافيه