طبق أكثر من رائع من حيث الطعم والرائحه من أختراعي وأبداعي
المقادير
لحم غنم بعظم حسب الكميه المرغوبه
ماء للسلق
3 حبات ورق غار
8حبات هيل صحيح
4 أعواد قرفه (دارسين )
وملح
1/2ملعقه صغيره كمون ناعم
1/2 ملعقه كزبره ناعمه
2/1ملعقه كركم
2/1ملعقه بهار الكاري ممكن الاستغناء عنه في حال
عدم وجوده
رز مغسول ومنقوع بالماء
الحشوه ( الكشنه )
بصل مقطع مربعات صغيره
1 كوب حمص مسلوق
نفس مقدار البهارات السابقه + قرفه وهيل وملح
الطريقه
نسلق اللحم بالماء ونضيف عليه البهارات الصحيحه وورق الغار
نتركه لينضج وبعدين نضيف الملح ثم نصفيه ونحتفظ بمرق اللحم
نرجع المرق الى القدر ونضيف اليه الرز المنقوع والمصفى من الماء
ويكون الماء فوق الرز بمقدار أنش ونصف
نتركه ليغلي ويتشرب بالمرق وبعدين نوطي على النار
في هذا الوقت نبهر اللحم بالبهارات الاولى ونرشه بالزيت
وندخله الفرن ونفتح النار من فوق عشان يحمر
نضع البصل في مقلاة ونتركه حتى تطلع ريحته ويضرب بالمقلاه
ويصير لونها بني نرشها بالماء ونحرك البصل وكل ما نشف
الماء رشينا وحركنا البصل الى ان يكتسب اللون البني الذهبي
نصب عليه شوي زيت ونحمره شوي
نضيف البهارات اللي اعددناها للحشو طبعا مع التحريك السريع
نضيف الحمص والملح راح تشمين رائحه زكيه
نغرف الرز في طبق التقديم ونحط عليه حشوه البصل
وبعدين اللحم المحمر وتزينيه حسب طريقتك
واتمنى تستمتعين وأسرتك بالطبق
ولا تنسوني بالدعاء
وبالعافيه
الصورة النهائيه للطبق
من ايد مانعدمها ان شاء الله :p