السلام عليكم ورحمة الله وبركااته
هلا بنات انا من زمان كان بودي أنزل مواضيع بالطبخ بس ماكنت أعرف شلون احمل الصور
بس الحين تعلمت شلون انزل الصور بفضل الله ثم بفضل العضوة همي ماله حدود ربي يسعدها ويفرج همها
وترى نزلت الموضوع 4 مرات وبس اضغط معاينه ينحذف كأني حكيت قصة حياتي:eek:
يلا اخليكم مع الصورة اللي تعجبه يكمل لاخر الموضوع:p
عشان ماطول عليكم ابتدي بالمقادير
رز منقوع أنا استعمل الوليمة
لحم أو دجاج
بصل أخضر
كزبرة
ملعقة جرجير مقطع صغير
4فص ثوم
3حبات هيل
3حبات قرنفل (مسمار)
ورقة واحدة غار
الطريقة
نسلق اللحم أو الدجاج مضاف اليه الهيل والقرنفل والغار
نقطع البصل الأخضر قطع صغيرة مع العروق الخضر
ونقطع الجرجير والكزبرة ونغسلهم زين
نحط القدر على النار مع شوية زيت ونحمس البصل الأخضر والكزبرة والثوم والجرجير
وقبل ماتذبل الكزبرة نضيف الرز ونحركه شوي ووقت نحس انه ابتدا يلصق بالقدر نضيف
مرقة اللحم ونظبط كمية المرق ونخليه يستوي وبس تنشف مويته رشيه بشوية زعفران أو صفار الزعفران أنا استعملت الصفار
وبالنسبة للحم ممكن تسويه بالطريقة اللي تحبيها انا حرته مع بصل وطماطم وكزبرة وثوم وطلع طعمه
رهيييب
اتمنى تجربوه وتدعولي
الله. الله. الله.
يسعدك ويرزقك وجزاك الله خير
والتقييم ممتاز قيمتك لان من زمان وانا نفسي اعرف كيف يعملون الرز كدا وطعمه الشهي