وانا بعد عندي موهبه رسم خطييييره ولله الحمد

بس اني دجه بالتلوين

مااعرف وش هي اساسيات الرسم ؟؟

ياليت الخبيرات يقترحون .. وش ممكن نرسم ؟؟ وكيف طريقة التلوين ؟؟

اييييه بغيت انساااا ؟..

الف شكر لك يا متعه على هذا الطرررح المتميييز ,.

هلا والله بالرسامات كلللللللللللهم

ولاّ يا ام محمد مانتيب عندنا في الرياض,,,,خسارة , عموما أي وقت تجين الرياض راسلينا وحنا نقول لك إذا كنا لقينا أحد يعبرنا <<< قصدي دورة يعني هههههه

مراحب قمرا , اللي أعرفه انو مركز الملك للموهوبين يحتضن << لاحظوها ترى تعبانه فيها
أقول يعني انه للبزارين بس , مهوب لأمهات البزارين العجز مثلي :)
يعني ممكن يقبلون أغادير مثلا أما أنا ,,,,,,,, ماظنيت

حياك أغادير , اسمك يصلح ينرسم ههههههههههه

ترى يابنات مابعد دقيت على شيفلد ,, مالقيت رقمهم , ياليت يا ماشي الحال تعطيني إياه .

متعه الحديث .. تسلمين يا راب ..وان شاء الله يسير عندك معرض وتكشخين علينا وحنا نركض وراك بس عشان ناخد توقيعك وانتي تقولين مشغوله يمكن واقت ثاني ههههه ..شوفي والله الفكره ميب شينه بس انا الحين على وشك حلوه على وشك .. اقصد على وشك اتزوج .. وتعرفي حوسه العرس وخرابيطه واحتمال اهون من كثر الحوسه هههه .. يعني خلي مشروع الرسم الين ما اخلص ..

بعدين انتي والموهوبات الي معانا هنا جربوا وعلموني .. شوفي انا احس انو عندك رغبه واقترح تبدين شوي شوي وراح تمشي الامور ..والله جد اوقفي قدام اي شي وابدي برسمه شباك يكون في برا منظر ولا اي منظر من مجله واقتبسي .. وبعدين وريها لنا هنا ..ولا تخافي من الالوان خلك جريئه وجربي وعلمينا وش طلع معك ..

لقيت لكم حل
وش رايكم تجون عندي واسوي لكم دوره ولا احلى منها يعني قلت افيد واستفيد

بالنسبه للمواضيع اللي ترسمينها وانتي لسى مبتدئة هي الطبيعه الصامته يعني اي شي مايتحرك مثل الجره او الفواكه
جربي مثلا خذي تفاحه وحطي جنبها اضاءه خفيفه وشوفي كيف النور على التفاحه يكون في جهه قوي ويبدأ يخف لما يوصل للظل الغامق ولا تنسين الظل اللي عاكس على الطاوله او الجدار
وبعدين ارسمي مناظر متحركه مثل الاشجار ( تتحرك بواسطة الرياح ) او الانسان او الحيوان

فيه كتب صغيره في مكتبة جرير عن الوان الزيت والباستيل والمائي
سعرها رخيص - مااذكر بكم بس حلوة -- جايب صوره ويعلمك كيف يمزج الالوان ويلون

بالنسبه للتكاليف اللي تقولون تكسر الظهر انا مو معكم ابدا
انتم الظاهر ماعرفتوا تشترون
شكلكم تشترون كل درجات الالوان احمر ووردي واخضر فاتح واخضر غامق وغيره
لا غلط تقدرين تشترين الالوان الاساسيه وانتي تمزجينها مع بعض وتقدرين تفتحينها وتغمقينها بالابيض والاسود وتطلع لك الوان كثييره
والفرش لاتشترين كل المقاسات والانواع لالا
صح ان الفرش غاليه بس مره لقيت في محل ابو ريالين فرش رهيييبه الشعر اللي فيها مايطيح
كنت اشتريها واتعيجز اغسلها واذا لونت فيها ارميها
والباليت حق مزج الالوان لاتشترونه
امزجي في كاسات بلاستيك واذا خلصتي منها ارميها
كذا توفرون الميزانيه

اي استفسار ثاني انا جاهزه للمبتدئات الطموحات

انا اموت بالرسم بس عجااااااااااااااااااازه اول رسمي احسن من الحين بسبب العجز وهالظروف اللي حصلت لي

وفيه وحده جربت مركز شيفلد علشان تعلمنا زين والا شين تدريسهم ؟؟