الرسم بالوان القماش على فساتين السهرة

يريت اختى تقوليلى نوعية الالوان اللى تستخدمينها لانى قاعده افكر افصل دراريع بيضاء وارسم عليها بالوان زاهيه وشلون الطريقه رسمتى على التنوره قبل لايخيطها الخياط والا بعد يريت تشرحين فكرتج اكثر .. وجزاج الله خير

هلا اميرة الاحلام

حلوة فكرة الرسم على الدراريع . و ممكن تاخذين القطعة للخياط بعد ما تكونين حددتي الموديل للقطعة وهو بيقسملك القطعه و يريك مكان الحاشية و الاكمام وغيرة . ترى مولازم يقصها على طول.

و بالنسبة لطريقتي فانا افرش القطعة عالطاولة او الارض و اضع تحتها جرايد و اثبتها في الدبابس قليلا ..و ابدا بالرسم والتلوين كما لو كنت ارسم عالورق.
الالوان اللي استعملها انا هي pepeo seta color و ترى يمكن تلاقين وايد ماركات وفي من كل نوع الوان مخصصة للاقمشة الفاتحة او الغامقة.
و يوجد محددات سواء ملونه او شفافة.

و يا ريت تخبرينا عن افكارك في الرسم عالدرارييع :21:

صافية السريرة

يسلموووووووووووو على هالشرح ... بس بسئلج ماعندج صوره حق شغلج علشان آخذ فكره

وبعدين الالوان اللى استخدمتيهم بالرسم نفس الالوان اللى يرسمون فيهم على الحرير لانى مابى نفس النوعيه لان الوانهم فاتحه انا ابى الوان زاهيه وقويه نفس الالوان الزيتيه

وبالنسبه لافكارى للدراريع ماجذب عليج انا وايد خايفه ومتردده لما اتيين اتسوين شغله حق نفسج اسهل وايد لانج عارفه ذوقج بس لما تسوين شى للتجاره وايد صعب كله احس اى شى بسويه ماراح يعجب الناس

ماشاء الله فكرتك حلوة كتير كمان شوفت يعملوها على العبايات و الطرح في السوق

وشكرا على الفكرة الحلوة

بس ياريت زي ما قالت الأخت أميرة الأحلام تورينا نماذج من أعمالك...

بالنسبة لموضوع التجارة كلامك صحيح أنا هو قصدي كمان لمن كتبت موضوع الف في ضياع وما حد رد عليا غير قليل

لأنو الناس أصبحوا بعيد عن الفن بس المتخصصين في الفن ولي عنده حس فني حتى لو ما درس الفن

وشكرا مرة ثانية للفكرة الحلوة :24:

الله يعطيك العافيه

طيب الالوان كيف تستخدم تخفف بماء ؟ والا لا ؟