الرسم على الملابس

----- بسم الله الرحمن الرحيم ------

هذا منتو لقيته بمشغل وبصراحه كان مجرد احرف بس ما فيه أي اضافات وسعره ب50 دينار

غااااااالي قلت يا اخيتج حرام شغلج احلى وبيكون مميز لج انتي بس واعلنت المجازفه

(أماتخيب ولا تصيب ) ولله الحمد والشكر ما كلفني الا 15 دينار بس والكل سأل عنه ويبوني

اسويلهم بعد ----



نبتدي الشغل :

1-خذيت الخامه للخياط وخليته يقصها ويحدد مكان الخياط حتى احدد مكان شغلي


2- جهزت الالوان للقماش ومحدد القماش و أحرف الشرح والفرشاة





3- وهذي يا طويلات العمر البترونات نقلتها مباشرة على الخامه وحددتها بالمحدد

ولونتها باللون المرغوب











4- اما الاحرف فلونتها باللون وطبعتها على الخام مباشرة





5- خذيت الشكل اللي عاجبني من مسطرة التزيين وحطيته على الخام





6- وبعدين ترسته بالمحدد فتلاحظون انه بارز شويه





7- وحركات الضمه والشده والاحرف الصغيره ترست الفراغات بالوان مختلفه


8- وبعد ما تنشف كليا اكويها ليثبت اللون


ولا تبخلون علي برايكم يا الغاليات -------