امممممممممممممممم يعطيك الصحة ياوخيتي ام نوفل
شكلها تبان حارة وفايحة تسلم ايديك:23:

السلام عليكم ورحمة الله وبركاته

الحمد لله على السلامه يا أم نوفل
وشنو هالحاجات الصقع هذه

من أحلى الاطباق الغاليه على معدتى هى المقطع
بس بينى وبينك تبى القديد الفايح المديور فى ليبيا
أما اللى انرزوطوا فيه برا ما فيش بنة القديد أهو أنمشوا بيه وخلاص

سلامات وبأنتظار صورك

ما شاء الله وخياتي الليبيات كثار تاريهم وانا مش عارفة....طيب شنو رايكم نعملوا فكرة ملف للأكلات الليبية وانا ما تنسونيش احسبوني معاكم :26:
أم أبيّ

أهلاً يا obaii
أنا كنت منقطعه عن الموقع من مده
وأنا أموافقه على الفكره بس ما نعرفش أنحط الصور وشكلها أم نوفل شاطره فى حكاية الصور
ولما نفتحوا الموضوع نجمعوا فيه حتى المواضيع السابقه
بس خلينا نستنوا رأى البقيه

السلام عليكم
اهلين باللاخوات والله الباين هالرشدة جمعت الاحباب من جديد
مرحبتين بام هشومي مبروك عليك هشومي وان شاء الله يكون من الذرية الصالحة هذا علاش مغطسة
ام محمد مرحبتين بيك من جديد حتي اني كنت منقطعة وراجعة رجعة قوية المرة هذه بالصور
لكن اني مرة نثور ومرة نخمد يعني نكمل الصور اللي عندي وبعدين نهفت
مرحبتين باختي ام ابي من جديد وبالنسبة للملف يلا ايدي علي ايدكم
زي ماقلت لام صمودة اني مجهزة المبطن والبازين بالمرقة وزدت عليهم الكسكسي بالبصلة
ان شاء الله اليلة ننزل البازين اذا كان لقيت وقت
تحياتي للجميع

:26: :26: