http://www.annasanimaties.com/KOKEN2.gif
كيفكم يا بنات وكيف أخبار مطبخكم....
سامحونا احنا المغتربات جالسات بملتقى المغتربين وما نطلع منه ،بس رمضان جبرنا على الطلوع...
اليوم يإذن الله بكتب لكم الرشده الليبيه ,,,,,
وهى نوع من انواع الباستا الى نحضرها بالبيت,,,,
http://www.annasanimaties.com/kok19.gif
1- طريقة الطبيخه او (المرق)
فى الحله الخاصه وهى تكون من طنجره وكسكاس فوقها فيه ثقوب مفتوحه علشان التبويخ
نطبخ المرق فى الطنجره
نضع قليل من الزيت ثم بصله متوسطه مقطعه جوانج بعدها ملعقتين كبار طماطم معجون ثم كوب من عصير الطماطم ولحم خروف مقطع قطع كبيره ثم نضيف التوابل من فلفل اسود بهارات ،فلفل احمر ،كركم،ملح وتبل بقليل من الماء ويوضع فوقها الكسكاس وتترك حتى يتصاعد البخار على نار هادئه
طريقة البصله
فى حله صغيره نضع كوب من الحمص المنقوع ونقطع فوقه بصل الى جوانح حوالى اربع بصلات كبار وقليل من الكركم يمكن الاستغناء عنه وفلفل اسود ويترك على نار هادئه الى ان يذبل
ثم نأخذ قليل من ماء المرقه الطبيخه ونضيفها اليه ويترك لينضج ويضاف الملح بعد ذلك وعندما ينضج نرش عليه الحرارات والقرفه .
دقيق
ملح
ماء
قليل من الزيت
بيضه ويمكن الاستغناء عنها
تعجن المقادير مع بعض جيدا وتكون العجينه ناشفه مو طريه
تقريبا لكل اربع اكواب دقيق كوب ماء وربع كوب زيت وبيضه
المهم العجين يابس اشوى
تقسم العجينه اقراص صغيره وترش بالدقيق
يفرد كل قرص على الماكينه
الموضحه بالصوره إبتداءا برقم واحد ثم رقم متوسط ثم على أخر رقم فيه ماكينات أخر رقم 7 وفيه 9 المهم ترق العجينه حتى تصبح مثل ورق القلاش
ثم تقطع بالعرض حتى لا تصبح طويله جدا,,,,
بعدها تدخل العجينه فى الفتحات الصغيره الخاصه بالرشده .....هكذا
يكون الكسكاس جاهز ويبوخ ونسقط فيه الرشده على دفعات الى أن تنتهى كل الكميه وتبوخ الرشده لمدة دقايق
نفرغ الرشده فى صينيه واسعه بحيث يسهل فردها ونسقيها بالدهان الذى على وجه المرقه (الطبيخه )وبحذر يعنى مانكثر
نرجع الرشده للكسكاس تبوخ شوى وبعدين نحط الرشده فى صحن ونرش عليها قليل من القرفه وماء الزهر والسمن ونخلطا جيدا ثم نسقيها بالبصله
طريقة التقديم
توضع الرشده فى صحن كبير اشوى وتسقى بقليل من مرقة الحم ث تفرد البصله على الوجه بس مو نين تشرب يعنى ما نكثر ماء المرق ويوضع الحم وتزين بالفلفل المقلى
وهذه صوره ثانيه
إن شاء الله تعجبكم