السلام عليكم ورحمة الله
كثير من الأخوات يسألون عن الرشوش الدوسري
وبما أني دوسرية أبا عن جد راح أقولكم اللي أعرفة عن الرشوش عسى تستفيدو ومابي منكم إلا الدعاء لي بالذرية الصالحة وبدخول الجنة
أولا: الرشوش حق أمهااااتنا القديم تغير فالرشوش القديم اللي تسويه جداتنا يتكون من الورد المجفف ومطحون بالرحا حتى يصير نااااااعم مرة
ويضيفون له العطورات وما عرف ايش هي بالضبط لكن منها الحبشوش والوردي أبو نفرة وهذي الأثنين البعض يعتبرها من أساسيات الرشوش
إلى الآن لكن الآن الأغلب تركوا هذا الورد المجفف وصارو يحطوا فقط مركزات مع الحبشوش والوردي لأنه أنظف ولأنه طلعت روائح
ومركزات حلوة كثيرة فصاروا النساء يضيفون له كل على حسب ذوقها وممكن بدون الحبشوش والوردي وممكن واحد منهم كل حسب ذوقه لكن
إذا أضيفت ماتكثر لأنها قوية وممكن ريحتها تغطي على المركزات الباقية . والمركزات فيها القوي وفيها اللي ريحته خفيفة فالقوي تقللين كميته
والخفيف تكثرينه وانتي بإمكانك تروحي للمعيقلية بالرياض أو أي محل يبيع عطورات مركزة وانتي وذوقك خذي ثلاث اربعة خمسة اللي تبين
واخلطيهم مع بعض والأفضل تكون على روائح زهور مش روائح نظافة لأنها هي اللي تناسب مع البخور
وراح أقولك على خلطة حلوة وسهلة وإن شاء الله راح تعجبك أخذتها من وحدة من أقاربنا تسوي خلطات وهذي أكثر خلطة اعجبت كل من شمها
أنا خلطتها أكثر من مرة وكل ماحبيت أغير وأسوي خلطة ثانية أرجع لها. مكوناتها :
100 مل من طيب كريد
100 مل من طيب هوجو
50 مل من طيب ستيلا
50 مل من طيب الزعفران الأبيض
هذي مركزات تجي في معدن و كلها عند العبيد للعطور
وانتي شمي كل واحد لحاله علشان تعرفين الروائح وبعد ماتبخرين تعرفي الريحة اللي عجبتك وتركزي عليها
أخلطي هذي الأنواع وخليها عندك في قارورة قزاز أو معدن وتكون محكمة واتركيها 3 أيام بعدين خذي منها مقدار تولة أو تولتين وأضيفي لها
ماء ورشيها على شرشف السرير وخليكي كريمة في الرش وكمان رشي ملابس النوم وملابسك اللي راح تلبسيها في اليوم الثاني والفوطة حقت
الاستحمام ثم حطي الجميع على المنشر ودخلي المطيب تحته مع البخور الزين وسكري الغرفة لمدة ساعتين أو أكثر وتمتعي بأحلى ريحة
دعواتكم ياأحلى أخوات في أحلى منتدى :27:
@الحسن@ @alhsn_2
محررة
يلزم عليك تسجيل الدخول أولًا لكتابة تعليق.
الله الله الله
دخلت جو مع الرائحة وانت توصفين خاصة
وأنا احط البخور
الله يسعدك ويوفقك
دخلت جو مع الرائحة وانت توصفين خاصة
وأنا احط البخور
الله يسعدك ويوفقك
@الحسن@
•
الأخت :قلبي يحبه مشكورة حبيبتي والله يسعدك
الأخت : شمعة تضئ للغير : الله يسعدك على الرد الحلو وإن شاء الله تجربيه ويعجبك
الأخت emmey : العطر ابو نفرة هو من عطورات الورد لكن ريحته قوية ماعرف اصور ولا كان وريتك صورته وما لقيت له صورة في النت بس هو قريب جدا من عطر عند العبيد اسمة ورد هولندي سوبر كرتونته زرقاء وعليها رسومات ورود
اتمنى أكون قربت لك
الأخت : شمعة تضئ للغير : الله يسعدك على الرد الحلو وإن شاء الله تجربيه ويعجبك
الأخت emmey : العطر ابو نفرة هو من عطورات الورد لكن ريحته قوية ماعرف اصور ولا كان وريتك صورته وما لقيت له صورة في النت بس هو قريب جدا من عطر عند العبيد اسمة ورد هولندي سوبر كرتونته زرقاء وعليها رسومات ورود
اتمنى أكون قربت لك
نفسي اخذها واعملها بس والله مافهمت اسما العطور
يعنني لو كتبتها واعطيتها العطار بيعطيني هيه
يعنني لو كتبتها واعطيتها العطار بيعطيني هيه
الصفحة الأخيرة
الله يسعدك يارب