الرضاعه

احس بنتي ماتشبع من حليبي


كمان اذا صدري تحجر وصار يعورني أشفطه يطّلع معي 60
احس انه مايكفي
وإذا كرعتها ماتتكرع او تتكرع بصعوبه وبعد مجهود


كمان هيا لِسَّه عمرها شهر من وقت ماتصحئ الين تنام الي بس شايلتها ولا تجلس تصار

اذا تحسيها ما تشبع جربي دخليلها وجبة او ثنين صناعي خليهم الصبح والمسا
للصراحة انا من اولد اعطي لبناتي صناعي مع حليبي عشان بناتي اولدهم زغار كثير والصناعي معروف انو يكبر بسرعة
الله يحفظلك بنوتتك

كتبت رد طويل وطاار .. برجع اكتب وامري لله

كنت اقول 60 ماشاءالله حلو بعمرها وزياده بعد.. رضعيها 20 دقيقه من كل صدر و كل ساعتين عطيها صدرك والتكريع مو بذيك السهوله من تجربتي لاني انا بعد تعبت وماعرفت اكرعها وامي اول ماتشيلها تتكرع وبعد فترة تعبت وكنت اول ما ارضعها اسدحها دقايق ع بطنها وتتكرع واحيانا اتعب وانا شايلتها ع كتفي وماتكرعت الا بعد فتررة .. بس نصيحة لا تدخلين لها الصناعي الحين دام ماشاءالله فيك حليب لان صدرك يتحجر اصلا لا تخلين فرصه صدرك يتحجر ولا بيلتهب .. اذا نامت وحسيتي بيتحجر اشفطي وعطيها منه اول ماتقوم او خزنيه لها في الفريزر تستفيدين منه فيوم ثاني... في فالصيدليه اكياس تخزين حليب الام عمليه.. وترى كل مارضعتيها كل مازاد ادرار حليبك ومع الصناعي بيقل.. انا بنتي ما اخذت صناعي خير شر ماشاءالله و فطمتها بعمر السنه و3 شهور

حبيبتي يمكن تبكي من الغازات اعطيها شاي اعشاب من الصيدليه مره حلو ويريح الاطفال
واما بالنسبه لحليبك بالعكس مشاءالله يكفي ومعروف الحليب بالاربعين يجي زيادة الطفل
وبعض الاطفال يكنون كذا حارين طول الوقت يبكي وبعضهم هادين انا ولدي اول ست اشهر تعبني مره طول الوقت يبكي وماينام
وبنتي مشاءالله كانت مرره هاديه وطول الوقت نايمه وغصب اصحيها عشان ترضع
فيمكن بنتك من النوع الحار المهم ي قلبي كثري عصيرات وحليب واشربي يانسون وشمار عشان يجي بالحليب ويخفف الغازات عند بنتك اذا كان فيها