الرضاعه واحتقان الحليب < تكفوون تراها قفلت معي :(

السلام عليكم ورحمة الله وبركاته


كيف الحال ؟؟


ياأخووات والله انها قافله معي ومن كثر مااتشكى للي حولي حسيت اني صرت مصدر ازعاج .. عشان كذا قلت مالي الا المنتدى يمكن القى حل

خلاص النفسيه عدددم ياربي لك الحمد .. اول الوقت ولاده متعبه وبعدين رضاعه


المهم ..

انا لي تقريبا 5 ايام والده ياربي لك الحمد .. بولادتي تعرضت لتخدير بعد الولاده وتنظيف فبنتي شالوها على طول للحضانه ورضعوها هناك

على الليل اعطيتها صدري وجلست ماسكه فيه ساعه وكل شوي تبكي

ومن التعب اعطيتها رضعه صناعي وطفشتني جلست ترجع طول الليل والصباح عرضت عليها صدري ونفس الحكايه تمسكه مسكه غلط وتظل ماسكته ساعه وتبكي واخرتها على الحليب

اليوم الثاني يمكن رضعتها مره وحده وماكانت احسن من اللي قبلها ... على صدري تظل ساعه ونص الى ساعتين تنام وتصحى وانا اتلوى من المغص وبالاخر اعطيها الصناعي ..

بعدها فجأه تورم صدري وصاار ثقيل والحلمات صارت غائره .. ماني قادره اتحمل ثقله والمه ابد

حاولت اعطيها اياه ماقدرت لإنها ماهي قادره تمسكه .. وانا ماالومها لإنه صار محتقن مرره والحلمات متشققه وغائره !!

امس اشتريت الشفاط ونفس الحكايه الم وعذاااااب وماني قادره اشفط شيء .. في الليل سويت كمادات مويه حااره ودلكته بزيت زيتون ويادوب خف شوي حاولت اعصره بيدي او حتى اطلع الحلمه في برواز الابره ومؤلم جدا

شفطت واحد على الفجر اليوم ويادوب 40 مل .. والثاني ماقدرت لإنه قام يدمي والم لايحتمل حتى مع مسكن مثل الفولتارين !!

ومن الصباح اليوم وانا كل شوي كمادات دافيه وادلك وولااااشيء يذكر

البنت تعودت على الرضاعه .. وانا اعاني ضغط نفسي وجسدي مو طبيعي

واحساس الحراره والثقل بحد ذاته لايطاق ..

ماني عارفه هل يمديني اعودها على صدري بعد هذا كله .. هل فيه امل تطلع الحلمه الغائره ..؟

مع العلم انها كانت عاديه وانا بالمستشفى بس حده احتقن صار الوضع فظييع


والله اني اكتب وانا محبطه الى ابعد درجه من الوضع

المشكله بعيالي الاثنين اللي قبل كانت نفس الازمه بس على اخف ..

يعني ولدي الكبير هو تنوم بالحضانه 5 ايام وبعدها طلع وانا مالي نفس ارضعه .. ويادوب كم مره شفطت وخلاص قطعته

وبنتي قدرت ارضعها وماكان مثل هالالم .. بس كانت تنام وتطفشني وكانت الوضعيه خطا .. فيادوب شهر وقفلت

هاذي نفسي والله ارضعها .. عشان يرجع صدري لوضعه .. وعشانها هي


ابغى اي حل .. يزيد ادرار الحليب ويخفف التورم اللي فيه


للمعلوميه ... واحد منهم لما اشفطه الم ومايطلع منه غير كم نقطه وبس !!

تكفوون .. ماابغى اتشكى للي عندي لإني رجيتهم وهم رجوني بسالفة رضعي حرام عليك يكفي اخوانها :icon33: