الرضاعه و الجامعه 😓

للرررررفع

نفس استفساراتي انا كمان عندي جامعة وابغى ارضع طبيعي بس مو عارفة ايش احسن جهاز اليدوي ولا الكهربائي وايش انسب نوع
اللي اعرفه انو الحليب بعد الشفط يجلس 3 ايام في الثلاجة ويفسد بعدها

عزيزتي
اي شفاط يدوي ابعدي عنه
واحسن شفاطين شركه ميديلا الاصفر او فيليبس ايفينت طبعا الكهربائي
وكلهم تلقينهم بالمذر كير و بسنتر بوينت
بس اليدوي انسيه تماما مو عملي ابدا
وبالنسبه للتسخين في اجهزه تسخن الرضاعات بدرجه مناسبه وبالعكس أأمن من اي طريقه تسخين ثانيه


والرضاعات اهم شي تاخذيها نوع امن ان كان بتاخذي بلاستيك لازم تاخذي نوعيه صحيه خاليه من المواد البلاستيكيه المسرطنه مثل رضاعات فيليبس ايفنت
ومو ضروري تاخذي عدد كبير


الحليب تقدري تخزنيه بأكياس خاصه لحفظ الحليب تلقين بالمذر كير عده انواع خذي الارخص لانه ما يفرق كيس وبينرمى


تاخذي الكيس اللي فيه الحليب وتفرغيه بالرضاعه وتسخنيها


واذا شفطتي عدد كبير لازم تكتبي على كل كيس التاريخ علشان لا تلخبطوا وتقدري تجيبي سله بلاستيك تجمعي فيها الاكياس الحليب بالبراد واذا عندك زياده ثلجي ما يضره ولا بغيتي طلعيه قبل بيوم من لفريزر وخليه يذوب داخل البراد هذي الطريقه السليمه وتراه يقعد بالفريزر ما يضره اكثر من شهرين


والحليب بالبراد تحفظيه يومين او ثلاثه لكن مو على الباب لا تحطيه داخل ابرد مكان في البراد


ومهم لما تشفطي من اول جهه من الصدر الاول تكملي الشفط كامل علشان ينزل كل فايده الحليب ودسمه لانه اول الحليب غير اخره بعدها تنتقلي للثاني واول باول اشفطي علشان لا يحجر صدرك


والله يسهلك

واكتبي بجوجل عن الرضاعه للمراه العامله وكذا بتلقين امور تفيدك

الكهربائي أحسن بألف مرة
اليدوي متعب متعب
شوفي وانا إختج
الحليب بعد ما تشفطينه تحطينه يا بمراضع نايلون أو الأكياس النايلون الخاصة بالحليب
وتقعد معاج من يوم لين 6 شهور
إذا بتحفظينها فالثلاجة لازم تستخدمينها خلال 24 ساعة بس لما تحطينها بالثلاجة ما تحطينها بالباب أو بالواجهه لأ
تحطينها آعلى رف آخر الثلاجة يعني بظهرها عشان الحليب ما يتأثر بفتح الثلاجة كثير
وتستخدمينها خلال 24 ساعة بعد الشفط
تطلعينها من الثلاجة وتسخنينها بعد ما تنقليها بمرضعة زجاجة داخل كوب ماي مغلي لحد درجة الحرارة
المطلوبة وتستهلك خلال ساعة من بعد تسخينها
أما اذا بغيتي تشفطين و تعطينها الطفل على طول تقعد معاج 4 ساعات ل 6 ساعات حسب حرارة الغرفة
أما اذا عندج حليب وحابة تخلينه فترة أطول
تحطينه فالمراضع أو الأكياس وتدخلينها الفريزر بس حاسبي ما يكون فيه لحم وسمك عشان ما تلصق فيه الريحة وتقعد معاج بين 6 شهور و 8
ولما تبين تستخدمينها الأفضل تطلعينها من الفريزر قبل بيوم وتحطينها بالثلاجة طول اليوم لين تذوب على راحتها
أو تذوبينها على طول بس بشرط المرضعة تكون تتحمل الماي المغلي وبتطول معاج لين تذوب
و سلامتج
و ان شاء الله ان معلوماتي أكيدة وتفيدج لأن اختي اخصائية رضاعة طبيعية و انا حفظت هالأشيا منها ونحن ماشين عليها بالحرف ومتيسرة أمورنا الحمدلله
صح بعد شغلة
عشان تشفطين للطفل حاولي تخلينه يرضع من صدر واحد قريب ال 10 ساعات والثاني يتكون فيه الحليب و اشفطي منه
واول ما ترجغين من الجامعة يوميا اشفطي من الصدرين وفضيهم بعدين عطي الطفل صدرج يرضع منه
لأن سبحان الله يرجع يطلع منه حليب
و هذي طريقتي