الرضيع والمهاد

انا اعرف البنت ما تربط بس تلف لانه ياثر على عظام الحوض عندها

انا ماعمري ربطت عيالي ارحمهم

صح الفهم بس ربط لااااا

وشو يعني يقوي العظام اجل الاطفال بالحضانه فاكينهم لاربط ولا يحزنون ماتصير عظامهم قويه ؟؟

انا سمعت من دكتور عظم انه ما منيح الربط

اختي شوفي لفيه بس وقت النوم بالشال تبعه بس مو بقوة يعني حاجة خفيفه فقط عشان لا يتفزز اما غيرة فلا بس اهم شي لا احد يشيله من الاطفال عشان مايعرفون يشلونه الا وهو ملفوف الافضل يعني وغيركده خليه مفتوح لانه من خلال دراساتي في منعكسات بتحدث للطفل وهي بتعلمه الاتجاهات وبتعلمه اشياء كثير وبتكون تلقائية بتنتهي عند سن 3 شهور نكون حنا كبتنا الطفل بربطة وبعدين نقعد نشتكي طفلي اش صار له وليش تاخر خليه مثل ماقلتلك وقت النوم الافضل انه يلف غير كده لا ولا بحبل ولا بغيره وانا بعدين ارسلك البحث اللي سويته بخصوص هذا الموضوع ان شاء الله

حبيبتي انا بنتي كانت من اطفال الخدج وبالحضانه..شهرين لاربط ولا شي..وبعدين لما طلعت احترت اربطها وتبكي..وتتعصب..>>مومتعوده
بعدين كان عندها موعد للعظام وقالي استشاري العظاام >>لفيها من صوب اليد اذا تفز او تخاف من ايدها ..بس احذري تلين بقوة الفخذين والرجل علشاان لا يصير خلع ..والشكل الطبيعي للفخذ للبيبي مثل الضفدع مرفوعين شوي..لا تحاولين تمددينهم غصب تخلعيينهم...
وبنتي ما مهدتها ابد...الا ..لمن كنت احس ان في بطنها غازات..ادهنها والفها خفيف بدون ربط علشان ادفي بطنها لا اكثر..
وولدي اربطه من صوب ايده واخليه رجله حره..علشان هو يقعد يفرك بوجهه ومايناام..لما اربطه يناام بسرعه..
ونسيت اقولج ان الطبيب هم قال اذا حسيتي الطفل تعبان وموقادر ينام .او احد شاله غلط ويمكن تعور ..لفييه بس بدوون ربط خااصة ناحية الفخذ وايد حذرني منها..وهني الللف يكوون مثل الجبيرة تجبر الالم اللي عند الطفل..
ونبهني على خطورة وضع الطفل في الدرايه(المشاية اللي فيها مقعد بالوسط) قبل 6شهوور علشان لا يأثر على الحوض ولا تصير رجوله عوجه..
اتمنى افدتج حبيبتي..والله يقر عينج باطفالج يارب