الرطب السكري المجمد في القصيم

تلقينه في نضيد في الرياض يبيعون سكري وغيره

وين بالقصيم ؟؟

من اي مكان اهم شي الرطب السكري حق القصيم لو من مزارع ابي الي ينحفظ بالفريزر

للرفع

السلام عليكم التمر انواع

منه السكري والاخلاص والونانه والروثانه والبرحي وتمر المدينه ونبة علي "تقريبآ أشهر الانواع وعساني مانسيت شي" :)

وهذول كلهم فيه منهم المكنوز وفي حق الثلاجه ,,

حق الثلاجه يكون زي كذا



او



هذي الصور لتمر سكري ملكي وهو للثلاجه "يعني ينحط بالفريزر"

أسعاره تختلف بس غالي يوصل للمحفر الواحد زي اللي بالصوره فوق الـ 200 لما يكون التمر كويس بذيك السنه

بس هالسنه التمر بالمزارع تضرر من العجاج ويقولون خررب اغلبه يعني بيصير الكويس أغلى من كل سنه

يعني اللي بميتين يمكن يوصل للـ 400 بالذات لو كان داخل فيه السوق بدري ,,

.

اما التمر المكنوز للأسف مالقيت له صور بالنت بس هو اللي يكون مضغوط جوا اكياس بلاستيك ,,

ويباع حسب الكيلو تبدا الكيلو من 25 ريال تقريبآ وتوصل لـ 150 للكيلو وأحيانآ أكثر ,,

وعلى حسب نوع عن نوع ,,

الاخلاص العام حنا مابعنا منه الا 10 كراتين الكرتون فيه 6 اكياس مكنوز الكيس فيه 3 كيلو لانه كان قليل بمزرعتنا ,,

.

أتمنى أكون وضحت لك شي بسيط التمر انواع كثيررره لايمكن حصرها بس انا تكلمت عن السكري لانه هو المشهور بالقصيم ,,

.

على فكره حنا نبيع من مزرعتنا علب بلاستيك صغيره للإستخدام اليومي زي اللي بالصوره الاولى ,,

.