الرغبة بالحمل واحتضان مولود جديد

الحمد لله اللذي بحمده تتم الصالحات
انا يبنات عندي ولله الحمد ولدين الله يخليهم ويرزق الجميع بالذرية الصالحه ياااااااااارب

الصغير عمرة ثلاث سنوات ومن سنه تقريبا خليتها على الله رغبة ب ان يطعمني الله بالحمل السليم المعافى وتكون بينهم فترة مش بعيدة المهم كل شهر اقول هالشهر وتنزل الدورة بعد مرور كم شهر من المحاولات قلت خليني اروح اشيك على نفسي خصوصا ان ولادتي كلها قيصري بسبب ضيق الحوض المهم عطتني منشطات وفي نفس الشهر تابعت التبويض وطلع عندي بويضتين بحجم حلو وكنت متفائلة كثير واخذت ابرة تفجيرية غير الابر المنشطة وياسبحااااااان الله ماصار حمل وتعالو شوفوا الاحباط اللي صرت فيه بعدها تحمدت الله على النعمة ونصحتني الدكتورة اعمل الاشعة الصبغية وسويتها طلع عندي يابنات انبوب اليمين التصاقات واليسار سليم مع اني يوم تتابع معاي التبويض وخروج بويضتين كانت من اليمين وسبحانك ربي ماصار نصيب تتلقح ولا وحدة منهم
المهم رجعت البيت وانا كلي الم وتفكير وقلت خلاص ماراح اتابع بخليها على الله واذا ربي بيرزقني بيرزقني بدون منة من احد
والشهر اللي سويت فيه الاشعة تاخرت على الدورة 23يوم وكلما اخذت تحليل يطلع سالب ودخلت في دوامة ثانية ياربي وش الحل ورحت للدكتورة بعد تاخير الدورة ب 16 يوم وسوت لي كشف سونار وقالت لي احتمال حمل واحتمال دورة لان بطانة الرحم سميكة لكن تحليل الدم برضو سالب
قمت شلت وحطيت وطبعا مافيه اي بوادر او احساس بالحمل مجرد تاخير للدورة اعتبرته لخبطة هرمونات وللاسف يبنات نزل على في اليوم ال 23 من تاخيرها دم كثير وثاني يوم نزلت مني قطعة كبيرة مرة وشلتها على جنب وطلعت المستشفى تخيلوا يبنات انه طلع بداية حمل والقطعه اللي نزلت مني كيس حمل
اللهم اجرني في مصيبتي واخلف لي خيرا منها يارب
وفي نفس اليوم عملت لي تحليل دم هرموني طلع سبحان الله فيه نسبة حمل

اسال الله العظيم ان يرزقكم ويرزقني بالحمل السليم يارب