الرقية الشرعية لعلاج انسداد الرحم

اخواتي الحبيبات حابة خبركن بتجربتي بس مابدي طول عليكن بدي روح صلي بس لاح خبركن عالسريع ياللي فيكن عارفة قصتي تعرف انه انا اجهضت منذ اكتر من 7 سنين وجربت كل شي بعد هيك وما صار حمل وسافرت اتعالج بفرنسا وعملت ivf وكمانة ما صار حمل ولله الحمد اخر شي جربته هو الرقية الشرعية ما هو ابن ادم هيك يلجأ لله بعد ما يجرب كل شي وما ينفع معه ونحنا كلنا ما النا غير الله من قبل ومن بعد، المهم عملت العلاج الروحاني لمدة 10 ايام بعد الدورة وفي اليوم الـ 17 وكان هيدا اخر يوم بعد صلاة القيام فتت عالحمام لقيت بقعة دم فاتحة وقطعة دم صغيرة غامقة وثاني ليلة لقيت بقعتين دم فاتحين ثالث ليلة مالقيت شي رابع وخامس ليلة كمانة بقع صغيرة فاتحة بعدين تأخرت الدورة من موعدها بعدها بلشت حس بوجع الدورة من دون ماتنزل دورة بعدين تنزل مني اشيا غريبة لونها زهر فاتح متل كريم الشعر او الوجه بعدين اشيا بيضة بيها عروق دم صغيرة بعدين اشيا متل بياض البيض وامرار لون الكاكاو الفاتح من الاخر نزل مني بلاوي رحت للدكتورة قالتلي مابيني شي وتأخرت الدورة نتيجة لكسل المبيضين وعطتني ابر حتى تنزل وبالفعل نزلت بسيطة وبعد ما راحت عملت العلاج مرة تانية لمدة 15 يوم كمانة رجعت نفس الاشيا تنزل بس على شكل قطع دموية غامقة وناشفة ممزوجة بمخاط لمدة ثلاث ايام بعدها بحوالي اسبوع اجاني مغص التبويض كتير قوي ما شاء الله وضل معي 3 ايام وبعد التبويض بـ 14 يوم اجت الدورة كتير صافية والدم لونه احمر بلا سواد وبلا كتل ولا افرازات غريبة كأني بعدني بنت صغيرة واول مرة تجيني ما شاء الله فسألت الكبار قالولي انه هاي الاشيا كانت سادة الرحم وما بيشوفوها الدكاترة بالطرق تبعيتون بس الله سبحانه وتعالى هو القادر فوق عباده وما من شفاء غير القرأن الكريم كما قال تعالى ( وننزل من القرأن ما هو شفاء ورحمة للمؤمنين)
عليكم اخواتي بالعلاج الروحاني وطريقته كتير سهلة واول شي الاعتماد والتوكل التام على الله والاخلاص بالعمل واليقين بفاعلية كلام الله عز وجل
واخيرا اسألكم الدعاء ان يتم الله علي فضله وان يمن علي بالولد الصالح وهو اكرم الاكرمين

(سبحانك اللهم وبحمدك اشهد الا اله الا انت استغفرك واتوب اليك)