الركبه السوداء

السلام عليكم
لفت انتباهي وخصوصا في فتره الرسائل المجانيه اللي سوتها الاتصالات ان اغلب هذي الرسائل نكت واكثر من يتداولها النساء والبعض من الشباب والمصيبه ان اغلبها تنكيت على المراءه السعوديه والخليجيه بشكل عام سواء على شكلها اولبسها وتسريحتها وثلاجتها يعني ماخلو شي ماعيبوه فينا واحنا نقراء ونضحك يعني واعذروني على هالكلمه كالحمار يحمل اسفارا لكن اعزي هذا الى اننا بحاجه للضحك حتى لوعلى انفسنا وبعدمانخلص ضحك انسب ونشتم اللي طلع علينا هالنكت موهنا المشكله المشكله انها صارت علامه جوده وهي الركبه السوداء اللي يضحكون على السعوديات فيها واال صدقنا فعلا انها عيب واننا لازم نعالجها عشان نرضي الرجل اللي هوالاساس بالمشكله لان اغلب الرجال مايتكلم الاعن الاجنبيه وبياضها ورشاقتها وشعرها ورقصتها ووووواللي جالسه قدامه ماكأنهاانسانه ايضايقها ويجرحهابكلامه
طيب انت ياللي توصف وتتكلم مافكرت ان هالمرأة اللي قدامك وجالس معها انت حضرتك عاجبها ومالي عينها سواء بشكلك اوتعاملك واسلوب حياتك وانا واثقه ان اغلب النساء همها المعامله قبل الشكل بينما الرجل العكس انا واثقه ان مافيه رجل فكر اذا كان عاجب زوجته ولا لا لانه واثق من نفسه على ايش هالثقه ماادري اغلب النساء في المجالس تشتكي من ازواحهم اللي يخونها واللي مطنشها واللي يعايرهابجسمها وشكلها ويمدح الفنانه الفلانيه وغيرهاوالرجال بعد ماقصرو فينا وصارت الشغله مين ايعيب على الثاني ومن يسب اكثر وصرنا بمعركه الكل فيها خسران الرجل يخسر حب زوجته والزوجه تخسر ثقتها بنفسها لو كل وحده فينا حطت عقلها براسها وقالت انا جميله بكل عيوبي اضل حلوه حلوه بروحي وبحبي وبعطائي المراءه اتحب بجنون وتعطي بجنون وتكره بجنون المراءه اللي موعاجبتهم ركبها اتحافظ وتصون بيتها وبيت زوجها واسمه همها رضاه ورضا عياله وبعداهله اللي ماحنا مطالبين نرضيهم بس عشانه
راعيه الركب السودماتنافق بحبها وماتكذب بمشاعرها الاجنبيه ايا كانت يكفي انها تجلس وتاكل وتشرب وتنام معك وهي قرفانه واصله حدها بس همها اتحصل كم طقم ذهب او كم الف من وراك اتشوفك خزنه متنقله وصايغ ذهب قدامها تتغزل وتتظاهر بالحب عشان تلحلح جيبك وياويلك اتقول ماعندي تشغل عفاريتها عليك وراعيه الركب السود اتعيش مع زوجها على الحلوه والمره تتحمل وتصبر صبرايوب عشان اتمشي حياتها اللي عشان ركبه (مفصل)صارت ماتسوى اخواتي خلونا انصير اكبر من هالسخافات ونتجاوز هالتفاهات اللي سيطرت علينا مونهمل انفسنا بالعكس نهتم اكثر موعشان انتظر مدح من الرجل لكن عشان ارضي نفسي وانوثتي واعيش حياتي اللي ماراح اعيشها الامره وحده يااعيشها واثقه من نفسي او اعيش غرقانه بهم الركبه السوداء



وشكرا