الرماد...شيلي المنطقة وتمتعي بمزايا الليزر!

السلام عليكم ورحمة الله وبركاته,,


الرماد هذه البودرة الرمادية العجيبة سبحان الله كيف تشيل الشعر من الجسم! وتعطي نتائج قريبة من نتائج الليزر بحيث إن الشعر يطلع أقل في الكثافة وأخف في السماكة ويطول على بال مايطلع بس في الليزر يطول أكثر - للأمانة - بس برضو الرماد مرررة خارق بالنسبة لأنه شئ انتي تسويه بنفسك ولا يكلفك حتى هللة لأنه عادة يترمي.
المهم خليني ادخل في المفيد, حبيت أذكر لكم عن تجربتي وطريقتي في ازالة الشعر بالرماد.
طبعا الرماد ألمه أخف بكثييييييير من أي طريقة "نـتــف" ثانية وعن تجربة, والشعر من بعده يطووول مايطلع حول الشهر تقريباً ولما يطلع يكون أخف وأقل سماكة زي ماذكرت, وكل مرة تقل الكمية وسماكة الشعرة نفسها وطبعا الألم بالتالي يقل, لأن كل ماكان الشعر سميك كل ماكان الألم أكثر. بس ماعليكم هو بس في البداية رح يألم بعد كذا صدقوني يخف الألم ويزيد الرضا بالنتيجة بإذن الله.

جداتنا من زمان كانوا يستخدومو الرماد لنتف شعر الجسم. كيف نستخدمه:
جيبي الرماد ونظفيه من قطع البخور الباقية عليه وبعدين افركيه بأصابيعك بشكل دائري على المنطقة الحساسة - كل مرة خذي جزء منها, أنا عادة أبدأ من فوق, كل الجبهة آخذها مرة وحدة خذي شوية رماد في يدك وحطي عليها وأعملي لها مساج بالرماد باتجاه عقارب الساعة كذا مرة وبعدي بالعكس برضو كذا مرة وأرجع ابدل الاتجاه لمدة دقيقتين تقريبا - مدة هذه الخطوة تعتمد بالدرجة الأولى على سماكة الشعر - وبعدها شدي خصلة من الشعر إن طلعت معاك فخلاص ابدئي انتفي وان طلعت بس بألم شديد أو ماطلعت نهائي فجسمك لسه يحتاج مدة أطول فارجعي اعملي المساج وحطي شوية رماد وكملي وشوية وحاولي تنتفينه بيدك أو أرجعي كملي مساج لحد مايصير يطلع معاك بدون ألم أو بألم خفيف مقدور عليه, انا اول مرة أخذ مني المساج حوالي نص ساعة وبرضو الألم شديد فقمت حطيت عليه الحلاوة ونتنفته وانا زعلانة مرررة بس برضو كان الم الحلاوة اخف بكثير من الحلاوة بدون رمااد, الحلاوة لوحدها مقدر عليها مرررة ,, بس بعد كذا خلاص معد احتجت استخدم الحلاوة لأن الشعر صار أخف وصار أسهل وأقل ألم في نتفه باليد.
المهم نرجع لموضوعنا بعد ماتنتفين الجبهة بعدها كملي كل المنطقة الحساسة كل شوية امسكي جزء جزء لحد ماتخلصين وحتى من ورى وهو أسهل شئ وما يألم نهائي. تنظفي مرة كويس وبعدين جيبي مكينة النتف براون أو اي شركة عندك وشيلي الشعيرات اللي مقدرتي تشيلينها بيدك. بس نصيحة خلي المكينة آخر شئ مررة لأنها تعور بينما لما تستخدمين يدك اللي كلها رماد يكون الألم مرررة خفيف عكس المكينة, مدري ليه سبحان الله. وبعدها غسلي المنطقة كلها ويدينك بموية وصابون وغسول للمنطقة بس غير معطر لأن مساماتك مفتوحة لسه ونشفي كويس وحطي زيت زيتون يعطيك نتيجة كمان أحلى وأحلى يساعد في تأخير نمو الشعر ويخففه مع الأستخدام.

وبس ياحبيباتي هذه طريقتي وهي الطريقة اللي اعتمدتها في حياتي بعد سنين طويلة من المعاناة والعذاب خخخخخخخخخخخخ وان شاء الله اني أكون فدتكم واضفت لكم شئ يعينكم على التخلص من معاناة هذه المنطقة بالذات. :)

ملاحظة : أنا أستخدم الرماد كمان لشعر ابطي وصار مرررة مررررة مررررة خفيف وكذا شعره بس يعني حتى لو يطلع وأخليه مايكون مررة باين اني مانتنفت ماشاء الله ومافي ألم تقريبا. وكمان رجولي ويديني ومرررة مبسوطة من النتيجة صاير الشعر مرة خفيف وقليل السمك وبالتالي فاتح مو اسود غليظ زي أول والحمد لله ريحتني من جلسات الليزر الغالية. ماشاء الله مررة ارتحت واتمنى انكم انتوا كمان تلاقوا نتيجة حتى أحسن مني يااااااارب

ما أبغى منكم إلا دعوة بظهر الغيب بالتوفيق في الدنيا والآخرة