الرنجينه بالرطب بريحه الهيل .. والله شي ..واكيد بالخطوات المصوره ..

السلام عليكم ورحمه الله وبركاته

اول شي احمد الله تعالى على اني واخيرا وبعد معاناه عرفت طريقه تحميل الصور من عالم حواء من الاخت الغاليه ام عزيزان ...
بصراحه اضمن شي علشان ما تنمسح الصور بس ان شاء الله تنجح الطريقه وتطلع الصوره

وهي صوره الرنجينه بالرطب ..بما ان الحين موسم الرطب .. احلى شي تسوين

الرنجينه بموسمها ...



الحمد لله وبما ان الصوره طلعت اقول لكم الطريقه .جزاك الله كل خير يا ام عزيزان .

المقادير : رطب بما يكفي صحنين متوسطين
1 كوب طحين
1 الا ربع كوب زبده او سمن نباتي
1 ملعقه صغيره هيل مطحون

الطريقه :
تنظفين الرطب بكلينكس مبلول شويه بالماء ثم تنشفينه .
بالابره تطلعين النواه من الرطب وتصفينه بالصحن بحيث يكون الطرف المفتوح لاعلى وتبدين تصفين بالصحن من الوسط

http://forum.hawaaworld.com/files/68076/Image(2404).jpg

http://forum.hawaaworld.com/files/68076/Image(2409).jpg

آسفه جدا لعدم تكمله الموضوع لظروف طارئه !! والحين اكمل لكم من عيوني ..

المقادير المطلوبه تشوفينها بالصوره وانا استعملت سمن نباتي .
http://forum.hawaaworld.com/files/68076/Image(2410).jpg

اول شي تحطين الطحين بالمقلاه على نار متوسطه مع التقليب المستمر بملعقه خشب
واذا التصق بالمقلاه شيليها شويه من النار وقلبيها عدل بعدين رجعيها للنار
تقريبا ربع ساعه

http://forum.hawaaworld.com/files/68076/Image(2411).jpg

http://forum.hawaaworld.com/files/68076/Image(2412).jpg

تشيلين الطحين من المقلاه وتحطينه بصحن

ثاني خطوه تحطين السمن في قدر على نار متوسطه حتى يسيح ويسخن قليلا فقط
بعدين تحطين الطحين بالتدريج مع التحريك المستمر مده 10 دقائق تقريبا

http://forum.hawaaworld.com/files/68076/Image(2413).jpg

http://forum.hawaaworld.com/files/68076/Image(2414).jpg

http://forum.hawaaworld.com/files/68076/Image(2415).jpg

http://forum.hawaaworld.com/files/68076/Image(2416).jpg

http://forum.hawaaworld.com/files/68076/Image(2417).jpg

ترفعين القدر عن النار وتحطي الهيل ... ومممممممممم على ريحه الطحين المحموس مع السمن والهيل !!!

http://forum.hawaaworld.com/files/68076/Image(2418).jpg

والحين احلى خطوه عندي !!
لما تحطين حمسه الطحين وهو حار طبعا على الرطب وتشوفين الطشطشه !!
على طول ترفعين القدر من النار وتصبينه وهو حار على الرطب المصفوف .





وهذا الشكل النهائي وعليكم الف الف عافيه بس ديري بالك لا يحرق لسانك
لانك ما راح تقاومين الريحه واكيد بتاكلينه وهو حار !!

http://forum.hawaaworld.com/files/68076/Image(2423).jpg