الرواكتيان

اختي انا ما استخدمت (الريأكيوتين) لكن اعرف كذا وحدة استعملوه اعتقد سنه ..... بعد اخر استخدام له حتى ينظف الجسم منه لأنه يسبب تشوه اجنه.....

أنا استخدمته وقالي الدكتور أقل شي بعد 6 شهور من ايقافه ....

لكن ربي ما اراد أني أحمل الا بعد سنتين من ايقافه :)

والله يثبت حملي ويكون جنيني سليم معافى يارب العالمين

بصراحه انا ما أأيد استخدامه ابدا للي متزوجه وفي بالها تجيب عيال...انشالله اذا خلفت وجابت اللي خاطرها فيهم من عيال تاخذ مانع حمل للأحتياط وتاخذ الروآكتين...لأن لاسمح الله لوصار بلجنين شي بتقعد تتحسف طول عمرها على شي مايسوى تراب رجول ضناها...ولا شرايكم؟

مشكورات خواتي على الرد ولكن انا قريت في الوصفه الطبيه اللي داخل الدواء ان الحمل ممكن بعد مرور شهر واحد لا يبقى للدواء أي أثر في الجسم ما عدا وجوده بصورة طبيعية (التركيز الطبيعي) في الجسم.

وهذا الكلام منقول من موقع طبي (في حالة الحمل: وكذلك لمدة شهر على الأقل قبل التخطيط للحمل ، حيث أن هناك نسبة خطورة عالية لحدوث تشوهات شديدة فى الجنين إذا ما حدث الحمل أثناء تناول الروأكيوتان. ولذا يلزم استخدام موانع حمل فعالة أثناء تناول هذا الدواء ولمدة شهر قبل وبعد تناوله.)

وللتاكيد راح اسال الدكتور مره ثانيه لانه قالي في المره الاولى بعد شهر من انتهاء الدواء... وبصراحه كلامكم خوفني.. انا الحين استخدمه من شهر ونص وعندي ولد وحتى بدون الدواء كنت باجل الحمل لان ولدي بعده صغير بس لما اخت زوجي ومرت اخوي حملوا حن زوجي للحمل مره ثانيه وانه اقوله انشاء الله اول ما خلص العلاج ...وهو صابر وانا خايفه من الكلام اللي قلتوه ..فيا ليت اي وحده حملت بعد استخدام العلاج بفتره اطمني عسى ربي ينولها اللي في بالها..

والله اليوم انا سالت الدكتور قال ست شهور اقل شي وقلت له ان طبيب الجلديه قال لي شهرين يكفي قام هو عصب علي وحذرني وقال انا نبهتك وانتي براجتك قمت هونت ماراح اخذ