اخواتى بنات عالم حواء
يارب تكونوا جميعا بخير
اليوم جبتلكم طريقتى فى عمل الروانى ويارب تعجبكم
المقادير
6بيضة +فانيليا
كوب سكر
كوب دقيق +نصف كوب سميد بسبوسة+2م ص بيكنج بودر
للشربات
كوب ونصف سكر_كوب ونصف ماء_م ك سمن_عصير ليمون_فانيليا
الطريقة
بنضرب البيض والفانيليا والسكر بالمضرب 10 دقايق على الاقل لحد مايعلى ولونه يفتح
انا باعملها فى الكيتشين باستخدام القطعة دى
وبعدين ننخل الدقيق والسميد والبودر ونضيفهم للبيض ونقلب بالراحة خالص ونصبها فى صينية مقاس 30 مدهونة كويس بالسمن ومرشوشة بشوية سميد وندخلها فرن سخن
ونجهز الشربات وبيكون خفيف مش تقيل واول ما تخرج من الفرن وهى سخنة نسقيها بالشربات السخن واللى يحب يرش عليها جوز هند انا ما حطيتوش عشان مش بنحبه
حلوة اوى وخفيفة وان شاء الله تعجبكم