امس قررت اعمل عشاء ما يتطلب جهد وخطوات كثيره
وبنفس الوقت يكون حاجه معتبره لابو الشباب
وكونه يحب الاطباق البحريه كثير وموجود معي روبيان
بحثت عن طريقه تكون سهله وما تتطلب جهد كبير
وحصلت هالوصفه
المقادير
20 حبه روبيان كبير او متوسط نظيف ( شلت الرأس والقشره والخيط الي في الظهر وتركت الذيل )
ربع كوب زيت
ربع كوب عصير ليمون
ملعقه طعام خل ابيض
ملعقة صغيرة ثوم مفروم
نصف ملعقة صغيره فلفل اسود
للتغطيه
بقسماط
بيضتين
طحين
الطريقة
تخلطين الزيت ، عصير الليمون ، الثوم ، الخل والفلفل الاسود
تضيفين عليهم الروبيان وتخلطيهم
تغطينه وحطيه في الثلاجه من نصف ساعه الى ساعه عشان تتشرب التتبيله
طلعيه من الثلاجه وشيلي حبه حبه غمسيها في الطحين وبعدها البيض واخر حاجه البقسماط
من تخلصي كل الكميه رجعيها للثلاجه مدة نصف ساعة عشان تتماسك
سخني زيت غزير واقلي الروبيان ع نار هادئه عشان تستوي الروبيان من داخل
وبعد القلي حطيهم ع ورق ماص للزيت
وهاذي كانت النتيجه
قدمته مع خبز ولبنه بالارويجانو وزيت الزيتون
والحمد لله ابو الشباب عجبه العشاء :pinklove:
