الروب يا بنات

السلام عليكم ورحمة الله وبركاته .............

أول شي أبا أشكر كل الموجودات في هذا المنتدى الرائع.....
ثاني شي,,,, أول أمس ظهرتلي حبه في ويهي كبيرة وايد وايد وحسيت أنه خلاص لا حياة لمن تنادي الحبه بتشوهني بتشوهي لا محال.........
حتى أني ما خليت ريلي ييني هذا الويك إند عشانها..... المهم البارحة يت جارتنا وقالتلي أمي يالله سلمي عليها........... أسودت الدنيا في ويهي إلا هذي ما قدر وقلت حق أمي ماقدر عندي مذاكرة.... قالتي عيب عليج لازم تسلمي عليها.... رحت غطيتها بالشيلة عشان تختفي :02: أونه عااااد حركة.....:42: وأنا أسولف معاها :23: إلا أشوفها تقولي شو هذا وتأشر.... خلاص استحيييت وشفت أمي أباها تغير السالفة.... بس بعدين أستسلمت للأمر الواقع وقلتلها هذه حبه من يومين طلعتلي.... :44:
راحت قالتلي حطي روب على ويهج وبتروح...... وصدجت لأني حطيت البارحة روب واليوم تقشرت وأختفت وما بألهاش أي أثر......:32:
وتحياتي