الروتين الوحيد الي خلا بيتي دايما نظيف مع وجود اطفال

السلام عليكم
نزلت قبل فتره روتيني الصباحي بس رجعت غيرتو وهاد الروتين هو الوحيد الي ضبط معي
بصحى من صلاة الفجر بصلي وبقرا قرآن للصبح بعدين بتصحى بنتي الرضيعه بغيرلها واعطيها حليب واتركها بسريرها مع الالعاب بصحي بنتي الكبيره بجهزها وافطرها وابعثها عالمدرسه وزوجي بروح لدوامو~ قايم بحالو لحالو😂😂~
برجع نفطر انا وبنتي الوسطى وبغيرلها وارتب شعرها وانيم الرضيعه واحط العاب للوسطى ~دوختكم معي😁😁 ~
وببدأ حملت النظافه على الساعه ١٠ الصبح
اجلي الجلي واحط وجبة غسيل وارتب المطبخ بالكامل واكنس الارضيه
بروح للحمام انقعو بالعملاق واتركو شوي
اروح لغرفة النوم ابدأ بالتنظيف من فوق لتحت
اشيل كل شي عالتخت واغير المرتبه او الكفر او الملايه مره بالاسبوع وبرتب الحرامات وبمسح الكومدينه والتسريحه وبكنس الارض
وبرجع للحمام تلييف كامل وتنظيف وتمسيح
واخيرا غرفة الاستقبال واخليها للاخير لانها دايما نظيفه ارتبها ترتيب سريع واهوي البيت واعطرو وابدأ بتجهيز الغدا
بعد تجهيز الغدا برتب المطبخ وانظفو وبكون اجى وقت العصر ابدأ دراسه مع بنتي وتجهيز الغدا لجوزي ومع المغرب بكون خلصت من غدا زوجي ومن المطبخ والبيت فل الفله وقبل النوم اطلع المهملات واشطف الحمام شطفه خفيفه
نسهر شوي مع البنات للساعه ٨ بنيمهم وبكمل سهره مع زوجي لل١٠
اعطوني رأيكم😘😘😘