الروضه

السن المناسب 4 سنوات
ومعليش يا اختي ليش تدوري على اللغه الانجليزيه من هالحين ,خلي طفلك يتاسس في لغتنا ومو مهم اللغه الاخرى
هذاني بنتي ما تتكلم كلمه وحده عربي وايش استفدت ؟ولاشي لاهي فاهمه الناس ولاهم فاهمينها وهذا ما دخلت روضه بس احتكت بالمجتمع
ما ادري ليش الامهات يدوروا على اللغه الاخرى وينسوا لغتنا
وترى الطفل لما تعلميه لغه ثانيه وفي سن مبكر مثل سن طفلك ما احس انه راح يستفيد ابدا وراح يتشتت بين اللغتين فنصيحه مني لك ولمصلحة ولدك لاتركزي على اللغه لاحق عليها المهم ان الطفل يتعلم مهارات اخرى غير اللغه مناسبه لسنه ويجتمع باللي في سنه ويقضي وقت ويتعلم حاجه افود من اللغات الاخرى مثل الاذكار والادعيه والاناشيد
والله يخلي لك ابنك او بنتك ويعينك لتربيتهم

السلام عليكم

اختي الرسامة والله انا تحمست لموضوعك
لانه من جد فكرة رائعة

وابي اقولك انه ممكن الطفل يدخل الروضة من سن 3 سنوات ويكون في المستويات الدنيا
يعني مثلا يكونون الاطفال كلهم مقاربين لعمره

واحيانا يخلطون الكبار مع الصغار من 3الى6 عشان يتعلمون من بعضهم ويتعاونون فيما بينهم


المهم عزيزتي انا من وجهة نظري اؤيدك على اختيار اللغة الانجليزية وان شاء الله اختيار موفق

اولا عشان يتقنها بالشكل المطلوب

وصدقيني انها ماتاثر على لغته العربية ابدا (يمكن الاخت لغة العيون اهملت طفلها
وصار يحتك بالمجتمع
اكثر من امه وهذا شي طبيعي لان الطفل يتعلم بالتقليد والاحتكاك)

المهم يااختي توكلي على الله
لا وازيدك من الشعر بيت انه فيه دراسات اثبتت ان الطفل اللي اكتسب لغتين
اذكى من طفل اللغة الواحدة

وشكرا
اتمنى اني افدتك او افدت قارئات الموضوع

أختي سن 3 سنوات مناسب مع أني متردد بعد لكن أحس الولد لديه قدرات على الاستيعاب وسأدخله مدرسة للغة الانجليزية ولا تؤثر كثيرا على الطفل لكن حاولي دوما أن تقولي له الكلمة بالعربي ثم بالانجليزي .

ثم سيسأل هو ماما ما معنى جوعان بالانجليزي ؟؟

ماما كيف أقول تلفزيون بالانجليزي ؟؟

انامع الاخت مجاديف ان تعليم لغة ثانيه في الصغر يزيد الذكاء (في دراسات تعملت)

كلما دخلتيه اصغر يعني ثلاث سنوات او سنتين ونص كان احسن لانه بيتعلم مفردات انجليزيه

بس اختاري مدرسه تهتم بالقران واللغه العربيه مع الانجليزيه:26:

اسمحي لي ياخت مجاديف
اولا من قال انه ما يتاثر باللغه الاخرى بالعكس يتاثر ويندمر بعد يصير يتكلم عربي شوي ويطلب الغرض بالانجليزي
هذا اذا ما كان معظم اللي يقوله انجليزي
ومن ناحية اني اهملت بنتي شوفي ما اظن ان فيه ام اعتنت في طفلها واهتمت فيه كثر ما اعتنيت واهتميت في بنتي من جميع النواحي وحرصي على اللغه اكثر من اي شي ثاني ولعلمك هي تتكلم الحين اكثر من لغه المساله مو مسالة ذكاء والا غيره
الموضوع مو موضوع لغه
اهم شي اذا لقيتي روضه كويسه ومناسبه لطفلك لاتترددي انك تدخلينه مو يكون عدم وجود اللغه حاجز يمنعك انك تدخليه هاروضه
وانتي ادرى بطفلك