الروكاتين واللااخلاقيات

مرحبا اختي ..والله ماادري ايش اقول لك .. شيء مؤسف فعلا لكنه نادر ولله الحمد ..

لهذا يستحسن على المريض قراءة التعليمات المرفقة مع الدواء قبل الاستخدام.. وان لاحظ مالايعجبه في الدواء يتناقش مع الطبيب..وهذا ماافعله شخصيا مااخذ دواء الا بعد ماتفلسف واقول له رايي ومرات اقول غير لي اياه ماابي شراب ابي حبوب او شيء ثاني ..و عموما كل دواء له اثاره الجانبية ..

والحمدلله على كل حال والله يشفي مرضى المسلمين ..

الغاليه بنت ابوها الف سلامه على اختك وكان الله في عونها وشفاها الله اليوم قبل بكره اهم شئ ماتخوفونها وتقولون مثلا انه كثير او يخوف عادي لأن اهم شئ النفسيه
والله يشفيها شفاء لا يغادره سقم وسلمي عليها .
وشكراً على التنبيه !

فعلا يا اخت بنت ابوها هالدكاتره يوصفون الادويه ولا يشوفون هل للمريض حساسيه من نوع معين من المواد اللي يتكون منها العلاج او لا
بس معروفه هالحبوب كثير يستخدمونها للبشره وهي بالفعل تصفيها ولكن ما يوصف الا عن طريق طبيب متخصص مو اي احد ياخذه لأنه مشاكله كبيره وخاصه للمتزوجات .
لأنه فيتامين a مركز وهالفيتامين اذا زاد بالجسم ما يطلع ولكن يترسب بالكلى وممكن يسبب فشل لا قدر الله هذا غير انه يسبب جفاف بالعين وجفاف بالبشره .
بس الصراحه اعرف كثير استخدموه واستفادوا منه .
بس لابد من الحذر .
هذا غير انه بعد استخدامه لازم تتأخر الوحده ما تحمل لمن يتخلص الجسم من بقايا الدواء في جسمها عشان ما يأثر عالجنين .
عافانا الله واياكم
والله يشفي اختك ويعافيها .

الصراحه أنا غالباً ما أثق في العيادات الخاصه... أكبر هم عندهم إنهم يحصلون أكبر كميه من الفلوس ...

أنا أعرف وحده كانت تعاني من حبوب الشباب ، بس كانت من الحبوب الكبيره إلي تطلع إفرازات.. يوم راحت عياده خاصه عطوها حبوب.. بعد كم أسبوع كان ويها بدى يصفى .. بس قام يطلع لها شعر طويل في ويها وظهرها.. والدوره عندها اختبصت .. يوم سارت لمستشفى حكومي .. سولها تحليل ولجو إنه العياده الخاصه كانوا عاطينها هرموووونات .. وسببت لها تكيس في المبايض ... تخيلوا...

وفيه بعد واااااايد حالات غير شذي ... فلازم تنتبهون وتعرفون شنو طبيعة الدواء إلي يصرفونه لكم..

والله يحميكم من بلاويهم ..

اختي ممكن تقولين لنا اي عيادة راحت لها اختك , عشان نحذر منها

تحياااااتي للجميع