alsaida @alsaida

عضوة فعالة

الروماتيزم ومدي تأثيره على المرأة الحامل

سلام الى كل الصبايا الموجودين أخواتي عندي الكم سؤال وياريت اللي عندها معلومة عن الموضوع اتساعدني
انا عندي التهاب بالمفاصل بعاني من وجود ماء في ركبي ولحد الان الدكاترة مو عارفين ايش سبب وجود هاي المي او السائل بالرغم من اني اعملت فحوصات كتيرة وحاليا عم باخد كرتزون والحمد الله التحسن ملحوظ بس لسة المي ما راحت
سؤالي ما مدى تأثير مرض التهابات المفاصل على المرأة الحامل خاصة بعد الامتناع عن اخذ الكرتزون يا ريت اللي عندها معرفة في هدا الموضوع تسااااااااعدني لأنه عنجد انا نفسيتي تعبانة اه ونسيت احكيلكم انه الدكتورة النسائية حكتلي انه ادا باخد الكورتيزون بكمية قليلة احتمال بس مش اكيد انه الجنين ما يتأثر انا حاليا عم باخد50/7 :(

23K

يلزم عليك تسجيل الدخول أولًا لكتابة تعليق.

تسجيل دخول

ام فارس • 20 سنة

عزيزتي انا الان حامل واعاني من الروماتيزم وله شهرين ما تركني
كل يوم ما سك مفصل والله لا يوريك المعاناة وطبعا هو اول مرة يجيني
والاطباء يقولون ما في علاج الا بعد الولادة وما فية الا مراهم مثل قلتها
ونفسيتي عدم يعني اذا جاء في يدي ما اقدر امسك لو المشط ولا
اقدر اشيل الملعقة يعني مثل المعاقة اللهم لك الحمد والشكر
الله يهون علينا وعلى جميع المسلمين

alsaida • 20 سنة

شكرا الك اخت ام فارس على ردك بس انا حكتلي الدكتورة انه المرأة اعتياديا لما يكون عندها التهابات المفاصل ما بتتأثر أثناء فترة الحمل والله اعلم بس ممكن أعرف ادا الروماتيزم كان عندك قبل الحمل والا صابك بعد الحمل وايش بنصحوكي الدكاترة تعملي بما انك ما بتقدري انك تاخدي دواء لانه المعروف انه ادوية الروماتيزم صعبة على المرأة الحامل و بأي شهر انتي
انا اسفة اني كترت عليكي الأسئلة بس والله انا كتير خايفة من الموضوع و بتعرفي الحياة الزوجية بتكون أحلى مع الأطفال
وربنا يشفينا ويشفي كل مريض شكرا اللك مرة تانية

ام فارس • 20 سنة

عزيزتي اول مرة يجني مع الحمل وما كنت عارفة انه روماتيزم الا لما حللت دم
بس حبيت اسألك لما يجيك كم يجلس الالم انا يجلس يوم او يومين بس واذا راح يكون مكانه
احمرار وانتفاخ مثل الكدمة
وبدأ معي من الشهر الخامس وانا الان في الشهر الثامن ادعيلي الله يهون علي وعليك

ام فارس • 20 سنة

ونسيت اقولك ان الالم لا يطاق ولا كنت اخذ اي علاج ما عدا مرهم مثل قلتة
اسمه بروفيناك وانا لما عرفت انه روما تيزم جلست افكر اني ما راح احمل مره ثانية الا لما اتعالج
وبيني وبينك انا مع الالم انسى اني حامل وانسى متاعب الحمل كلها
لانه اقوى من اي الم ثاني

alsaida • 20 سنة

اهلين اخت ام فارس
انا مشكلة التهابات المفاصل معي من 8 سنين بس خلالها اتحسنت بحدود سنتين ولما اتزوجت رد رجعلي وحكيت هيك للدكتور حكالي انه التهابات المفاصل هيك بتهدى أو بتخف وبترد ترجع
أنا الالام اللي بتحكي عنها صابتني السنة الماضية والله اني ما كنت اقدر اقص اضافري وبالرغم من انه عندي التهابات المفاصل من زمان بس عمره ما صار معي هيك
بس انا صراحة خايفة اذا حملت اني أتأثر بس نوعا ما الدكتورة النسائية طمنتني و حكتلي انه لما افكر بالحمل بنعمل مع بعض مخطط وانشاء الله ما بصير الا كل خير
اسفة على الاطالة وربنا يشفيكي و يقومك بالسلامة ويعطيكي الذرية الصالحة امين