الرياض والعطلة الصيفية\\

اهلين بصبايا عالم حواء \\\

المنتدى اغلبه مشاكل وهموم قلت اكتب لكم هالموضوع الفرفوشي يبرد على قلوبنا -اللهم لا تجعل الدنيا أكبر همنا،
في هالايام بعضنا ماشاء الله يعيش ايام العطلة الصيفية قبل العالم خصوصا للي عنده صغار اقل من سادس ابتدائي:06:اما اللي زي حالاتنا فكل الوقت ذاكروا ماذاكرتوا--

وبعد ماتبتدي صافرة العطلة وخاصة في الرياض لأني عايشة فيها الا تشوفين اول العطلة زحمة غير طبيعية وبعد مدة الا يختفي اهل الرياض وتتوسع الشوارع الله يوسع علينا في قبورنا بس اللي قاعد يقضي اجازته في الرياض وش راح يسوي \\:time:


الرياض وماادراك ماالرياض على اني عايشة فيها بس ماينمل منها ابد كل شيء فيها متوفر لو تتمشين في السيارة وتمترين شوارعها متعة بغض النظر عن جوها الحار الجاف -الناس تموت من الحر ودرجة الحرارة 35 واحنا الحمدلله ضد الكسر توصل الحرارة فوق 50 ولاشيء عندنا--:D

وانا افرفر في المنتديات لقيت رد بصراحة اعجبني وهيض مشاعري وكانه يتكلم عن حال اهل الرياض بالضبط --:39:


وهذا نص كلامه--

الرياض الرياض آه آه يالرياض ... الله لا يخلينا من الرياض وهله .... يبداء البرنامج في جنوب الرياض طبعا من بعد المغرب ... تحس ان الناس بدت تطلع اللى محمل عيالة يا رايحين لأاحد المخططات المنورة - واللى رايح لساحة التعمير مع الاشقاء البهوات ... واللى مطفر وجالس يتمشى في( براد ) جيان والسلام مول أو أسواق السدحان,,, واللى ماطلع من البيت تلقى دابابات البقالات تورور في الشوارع ... وسيارات المطاعم مثلها تقز الشوارع قز .. والبزران عندهم دوري كيرم أو بلاي ستيشن والاب جالس بفنيلة وسرول سنة .يا عند المكيف الصحراوي يعبى موية - صلح القش قصر علية طول علية .. جالس يمسح السيارة أو يهندس فيها ..وام العيال تسولف مع اختها اللى راحت مع رجلها لجدة او الطايف .. أو انها في عرس في حي الحزم هذا حال اللى ماصيف ... أو بالاحرى ماعندة يروح يصيف ... ومع هذا لبى الرياض وقلب الرياض واهل الرياض وجح الرياض والماء البارد ( )



----------------------------------------------------------------------------------------------------

انتم وش رايكم بكلامه000:39: