ايش رايكم ؟
سهل ولذيذ
المقادير:
ضلوع خروف بلدي
ملح وفلفل
حزمه بقدونس
حزمه زعتر او نعناع
حزمه ريحان
علبه مشروم طازج مب معلب ( فقع ) موجود في المجمعات الكبرى مثل كارفور
خل
زيت زيتون
بعض المكسرات انا استعمل السوداني المقشور او الفستق
الطريقه :
نضرب الزعتر في الخلاط بهاي الطريقه
نضيف الزعتر مع زيت الزيتون في صحن بهاي الطريقه
نقطع اللحم ونظفه من الدهن وممكن تخلين الجزار يسوي هاي الخطوه وترتاحي منها
نخلط اللحم مع خلطه الزعتر وزيت الزيتون
نضرب المكسرات في الخلاط
وكمان اوراق الريحان
ونخلطهم مع الخل والمكسرات
ونفس الشي مع اللحم
يقلب على الجنبين لين يطرى اللحم ويستوي على نار هاديه
انشلي اللحم وحطي فوق المشروم واعصري عليه ليمون عشان المشروم ياخذ طعم اللحم
قدميه مع صوص المكسرات والخل الي صنعتيه
وممكن تحمين فحمه وتحطيها في الخطوه السابقه وتغطي اللحم لمده 5 دقايق لاعطاء طعم الشواء
ابي اشوف الردود لو سمحتم :hahaha: :hahaha: