الزبادي والطعام المسلوق للرضع

يا اختي بنتك كبيره المفروض من زمان باديه توكلينها
يعني اذا كملت اربع شهور اسلقي لها خضار ابسط شي جزر وبطاطس
واخلطيها بالخلاط واذا حابه تحطي معه رز مصري يكون احسن
والزبادي يقولون من ثلاث شهور ونص على شوي شوي يعني ملعقه مخلوطه بملعقة ماء عشان يخفف
والخضار ملعقه وحده وبعدين ملعقتين ثم تتدرجين معها لين تخلص الوجبه

نصيحه عوديها الاكل لأن اذا ما تعودت من الحين بتتعبين معها لأن بتكون ما تعرف تبلع

ونصيحه ثانيه من اخت لا تعطينها سريلاك لأنه مب صحي ينفخ الطفل بدون فايده وسمعت دكتور يقول انه يسبب العصبيه للأطفال ما تشوفين عيال هالجيل كلهم عصبيين


اتمنى اني افدتك وانك تاخذين بنصيحتي
ولا تنسيني من الدعاء وان الله يصلح لي وليدي وابوه

لرفع

مارش ميلووو



ياروحي بنتي من دون مااتااخذ سيريلاك وهي عصبيه من ولدتهاالله يصلحها ممشيتني ع الصراااط المستقيم ومن جد انا من كملت اربع شهور جبت لها سيريلاك وسويت لها رز مصري ومو رااضيه ابد تااكل وجبت لهاانواع البسكوتات الشي الوحيد الي تقبلته الزباادي حتى اعطيها كامل الدسم لما خفت يكون ثقيل عليهااعطيتها قليل الدسم ماادري ذاك اليوم نفر وجهها خفت ووقفته



الله يصلحها بس ادعووووووولها تكفون احس بنتي مافيه حلق حتى المويه بالقطاارة اعطيهااياها

نوس نونو

يسلمو ع الرفع

حبيبتي لو إنك باديه بأكلها من أربع شهور وهي باقي ماتفهم كان ريحتك ألحين
عالعموم ابدي سوي لها خضار مسلوقه مهروسه
ابدي بنوع واستمري عليه كم يوم وشوفي هل تتحسس منه إذا تمام ابدي بنوع ثاني وهكذا إذا الوضع تمام ابدي اخلطي نوعين ثم بالتدريج حتى تخلطين أنواع كثيرة في الوجبة حتى تصير وجبة مغذية ومفيدة لها
فيه سيريلاك نستله بالقمح والتمر لعمر ست شهور هذا يحبونه الصغار مره شوفي يمكن تتقبله
الزبادي لاتعطينها إلا كامل الدسم سمعت دكتور يقول كذا يقول لأن كامل الدسم هو الزبادي الأصلي أما القليل والمنزوع يمر بعمليات كثيرة حتى ينتزعون الدسم عشان كذا مايتحمله بطن الطفل لأنه مر بعلميات بعكس كامل الدسم لأنه بوضعه الأصلي فهو الأفضل للطفل