الزبيب الاسود للتسمين بشكل خيالي

السلام عليكم 

بنات انا نحيفه مره مره بشكل وزني 34 وطولي 150 
يعني باقيلي 16 كيلو ع الوزن الطبيعي :(
بجد قدامي معاناة ،، بس الغريب اني اكل كثير
واكل اشياء دسمه بس مايزيد فيني الا نص كيلو وبالاسابيع يزيد 2
كيلو وبسرعه اخسرهم ،، لكن انا عرفت سبب هذا كله
السبب هو فقر الدم من زمان فيني بس متجاهلته
وهو السبب الرئيسي في اني ما يزيد وزني
فقلت ليش مااختار الزبيب الاسود وامشي عليه طول حياتي
لين اوصل للوزن اللي ابيه يعني مافيه مده معينه اخلصها
لانه 2 في واحد منها اعالج فقر الدم و بالتالي اعالج النحف
كذا كذا ماني خسرانه وبالعكس انا اخترته لاني جربته اسبوع بس
وحتى مو مره اكل كثير منه بس لاحظت تغييييير جميل بوجهي وصدري برز شويتين
بس تركته لاني مافضيت لكن اللحين قلت لازم اجبر نفسي عليه وغصبن عني 
بس سبب طرحي للموضوع هو اني اوضح للنحيفات ممكن يكون سبب نحفكم مثلي

و سؤالي ي بنات حواء كيف اسوي عصير الزبيب حق اسبوع ؟ يعني مو حق يوم 
لا اسبوع ابغى المقادير بالضبط عشان اتقبل الطعم 
وكيف احفظه طول الاسبوع اخاف يعفن ويضرني بدل ماينفعني
والسؤال الاخير قد جربتوه الزبيب او تعرفون احد جربو ؟
ابي اقرا تجاربكم عشان اتحمس والنحيفات اللي مثلي كمان يتحمسون

واسفه طولت ، كونو بخير