الزربيان بطريقه جديده حتاكلو اصابعكم ورراه

السلام عليكم ورحمة الله وبركاته
هذا اول موضوع لي بها القسم و***** الله مايكون الاخيروانامتابعه جيده لكم وكثير وصفات عملتها من بعض الاخوات وطلعت روعه الله يجزاهم الف خير
نبداْ
دجاجه منزوعة الجلد مقطعه ارباع ملحيها واقليها بزيت لمن تاخذوجه وتحمر بس مو تستوي يعني خلي النار عاليه يعني لاتخلي الدجاج يستوي
وقطع بطاطس زي ماهي لاتقطعيها اذا كانت كبيره اقطعيها نصفين عشان تستوي واقليها تاخذوجه بس مو تستوي زي الدجاج على نار عاليه تحمر وخرجيها
نقطع بصلتين متوسطه لشرائح رفيعه ونجيب قدر الضغط ونحط البصل وزيت ونحمر البصل لمن يحمر بس خلو لونه فاتح مو مررره غامق ونحط مع البصل ثوم مبشور ونحمره والبهارات الصحيحه (هيل وقرفه ومسمار)ولو حمر اطفي عليه ورجعي الدجاج والبطاطس وكزبره مفرومه وبعدين حطي مكعبين ماجي وبهريها ملعقه كمون وكاري وشوي صبغه الزعفران وهي ضروريه لايمكن الاستغناء عنها وقطعي حبتين طماطم متوسطه لقطع صغيره مره وارميها بالقدر وبس حركي اللي بالقدر مع بعض كويس وتكوني سالقه الرز نص استواء مع ملح وشوي زيت وبس صفيه واقلبيه فوق الدجاجولاتحركيه ساويه فوالدجاج واكتميه بالضغط لمدة عشرين دقيقه وافتحيه وانتبهو بدون ماتحطو مويه الطمام والدجاج حينزلو مويه وبس
ولله يابنات انها روعه ومعتمدتها لان طعمها غير وتنطبخ على البخار بدون مويه وربي روعه
وعلى فكره اخذت الوصفه من طباخ واتمنى انها تعجبكم
ولله يعينكم على تنظيف القدر :angry:ههههه