أنا أقول فيه مواضيع تستاهل نروح نزعل عند اهالينا عشانها ومنها الخيانات والقذف والضرب !!
لكن اشياء بسيطه وممكن تنحل بالصلح ليه اروح عند اهلي ؟
أشوف فيه كثير حريم يروحون يزعلون عند اهاليهم على سبب تااافه
وهالشيء ما يخلي الزوج يشعر بالأمان مع زوجته .

اما عصى امه هذي جديده صراحه 😂
عشنا وشفنا لاتعليق هذا اللي اقوله بس 🙃🙃

عصى امه اجل أنتن من وين تفهمن وش دخل زوجته بالبر المراه مامنعته من امه يزورها ويعطيها الي تبي بس أني انسب وانهان من امه وخلاص ماتوفق بحياتي عشان عصى امه ههههههههههه من حق الزوجه بيت مستقل ذَا شي أساسي أتمنى كل وحده تشرُط ذَا شرط عشان ترتاح وتستقل بحياتها

والله يااختي أتوقع غالبيه الحريم الي يطلعون لبيت أهلهم هدفهم واحد وهو تتحسن حياتها ويجي زوجها يعتذر لها ويوعدها ماعاد يسوي شي يزعلها بس للأسف مو دايما يصير هالشي انا زعلت كذا مره ورحت لبيت اهلي بس زوجي جا راضاني لانها أمور سخيفه مابنخليها تهدم حياتنا ودايم يقول لي الحريم ناقصات عقل بس بنت خالتي ربي يسعدها ويعوضها صادت زوجها خاينها للمره الثانيه وراحت بيت أهلها وبدال مايجي يراضيها بكل وقاحه بعد أسبوعين كلم ابوها قال له متي فاضي نبي نروح المحكمه بطلق حسبي الله ونعم الوكيل فيه يعني فوق الشين قواه عين

البنات اللي تهاوشوا على موضوع ام الزوج
حرام عليكم خربتوا موضوع الآدمية هي تبغى تجارب
وعشان تفهموا انا ام وعيالي كل واحد ببيته مع مرته
وانا ساكنه بشقة امام شقة واحد من عيالي ومو مقصر
ولا ارضى اسكن معاه عشان خصوصية الزوجين