الزعل بيني وبين زوجي .. الى متى!!

مالي في المقدمااااات ابدخل في الموضوع على طوووووول
صار لنا انا وزوجي اسبوع متزاعلين ولانكلم بعض ولا نطالع في بعض والسبب وربي تااااااااافه لكن حسبي الله على صاحبه الي مكبر راسه
السالفه ياجماعة الربع اني نزلت السوق قبل اسبوع وشريت فستان ب 400 وطلع ضيق ومادخل فيني للاسف اني ماقسته هناك لضيق الوقت اليوم الثاني قلت لزوجي خلنا نرجعه قال طيب بس بكره مالي نفس اليوم مع اني والله جيته العصر وكان ما عنده دوام وطايح في البيت طول النهار نايم لا عنده شغله ولا مشغله قلت يله بكره بكره
للحين تمام جيته بكره قلت يله قال اليوم غبارر قلت خلاص معد فيه غبار خلص قال لا يمكن بعد ااغبار مطر خلي بكره قلت لا اليوم ما بيرجعونه اكيد المفروض خلال24 ساعه قال لا معليك غصبا عنهم يبدلونه امري للهابمشي معاه واشوف اخرتها
جيتله من بكره قلت يله قال يوووووووه خلاص مغرب الحين من يطلع زحمه خلي بكره عصر انا هنا جن جناني قلت يله بلبس عباتي ويله والله لتوديني قال لا معليش انتي تاخرتي وينك من عصر زعلت وانتفخت عليه من غير ما اغلط طلعت من عنده وما عاد اكلمه ولا اطالع في وجهه
وطبعا هوه كالعاده يزعلني وهو الي يزعل لمن حس اني زعلت راح المجلس واخذ فراشه ونام هناك وعلى طول برا البيت يجي بس شوي ويطلع وهكذا ولا سلام ولا كلام ولا جاني قالي خلاص يله امشي ومعليش ولا طيب خاطري لا زعلاااااان اخونا في الله كاني غلطانه عليه وسافر لاهله من غير يقولي مادريت الى منهم ونام عندهم ويحب علي ورجع امس لان عنده دوام ولا جاني ولا قال شي واليوم مداوم استلام يعني يخلص استلامه بكره
بنات والله قلبي بيوقف من القهر ليش كذا احس اني رخيصه ومالي قيمه عنده مع انه طيب وحنون ومايقصر معي غالبا بس اذا زعلني ينبسط مررره احسه ياخذ راحته على الاخر وربي لو اقعد زعلانه طول العمر انه احب ماعلى قلبه
وتدرون مين الي مقويه علي صاحبه الروح بروح حسبي الله عليه الله لايوفقه قبل فتره كذا زعلت على موضوع ونفس الحاله هو نسي جواله ونزل بيجيب دخان من البقاله فتحت الجوال لقيته مسولف مع صديقه وقاله من ضمن السالفه والحرمه زعلانه ... قاله صاحبه اصفطها مررره ولاكنك تشوفها وكل مازعلت اصفطها واسحب علها لاتسوف نفسها عليك تاكدت انه هو ورا الموضوع الله ينتقم منه وزوجي يقوله افاااا عليك صفطت ام امها ... اااااه ياقهري


المهم ياطويلات الاعمار ادري قرقت عليكم وطولتها وهي قصيره شوروا علي كيف اتصرف الزعل شكله مطول وانا مستحيل اروح ارضيه لان كل مررره بسوي نفس الشي ولا يوديني ولا يجيبني يعرف اني برضى وبسكت واعديها كل مررره .. ومين فينا الغلطان .. ولو طلبت السوق ولا مستشفى وقعد يمطع فيني كيف اتصرف ارضى ومعد اطلبه والله العظيم صعبت علي نفسي وانا كل يوم ازن عليه وهو ولا على باله يلطع فيني بكره وبكره غير الفستان وال 400 الي راحت بالفاضي .. وبالخير ادعوا ان الله يخلصه من صديق السوء الي يماشيه