الزواج 💔

السلام عليكم ورحمة الله وبركاته
أخواتي أنا ماعندي غيركم افضفض له
ورب البيت اكتب لكم وفيني ضيقة مايعلم فيها غير ربي ..
تكفون ادعوا لي ربي يرزقني الزوج الصالح عاجلا غير اجل

اهلي قاسين جدا معنا تربينا على الشدة
تربينا على الكتمان تربينا ان كل شي ممنوع ،، حتى اللبس يتحكمون فيه ، ممنوع القصير ممنوع البناطيل لدرجة حتى بالبيت مانلبس كذا
اذا فضفضت او عبرت عن مشاعري قاموا يسخرون مني ويصفوني اني تافهة
عشان كذا تعودنا ماحد يعبر عن مشاعرة ويتضاهر بالقوة

كنت طول عمري اتمنى اتزوج زوج حنون
لان الزواج هو الحل بوجهة نظري
محتااااااجة حنان محتاجة حب
انا انسانة اعشق الضم ،، عاطفية جدا

صرت ماحس بيومي عاااايشة بأحلام اليقضة ،، اتخيل زوج حنون يعاملني برقة
يحبني ويخاف علي يبوسني يضمني .

اختي اللي اصغر مني تملكت من اسبوع وزاد الألم فيني ، مو قصدي احسدها وربي اتمنى لها الخير والسعادة
لكن الناس ماترحم وكلام النسوان ويعيبون فيني لان الصغيرة تزوجت قبلي 💔

مجرد كلام في خاطري وحابة افضفض لشخص يحس فيني 💔