الزواج التقليدي أو الزواج عن حب

وعليكم السلام ورحمة الله وبركاته

الزواج عن حُب لاحظت ان اغلب اللي يتزوجوا عن حُب مايدوم الزواج واغلب الناس تصير معهم مشاكل وينفصلوا او انو يبقوا بمسمى العشره او انهم جابو اطفال ((اذاكان فيه)) وليس الحُب لانو صار الحُب نادر هالفتره وماتدري ايش نوايا الطرف الثاني هل هو صادق او لا وبعيدا عن النوايا لانو مرات من كثر حُبك للشخص تعمي عينك عن زلتوه واخطائوه وبعدييين تكتشف انو انت فوت شي مهم بدافع الحُب وهذي وجهة نظر ان الزواج التقليدي ماعرف كثير عنو بس احس يكون كل الطرفين ع طبيعته بذات ان يكون الشخص اللي قدامك جديد عليك وكل يوم تكتشف شي جديد عنو مايكون شخص اوريدي تعرف كل شي عنو وايش يحب وايش مايحب مدري تحس بملل وبالنسبه لنجاح الزواج والسعادة بالحياه ففي كل الحالتين في هواش وزعل وفي فرح وسعاده مافي احد حياتو كامله بس اذا شاف الشخص حياتو من بدايتها مافي توافق وانسجام بين الطرفين وتقبل الاهلي لكل الطرفين فلا يقحموا انفسهم من البدايه ينفصلو احسن من ان يجيبوا ضحايا وتفكك اسري وماني عارف ايش .ممكن ان الزواج عن حب يكون فيه ود اكثر وهو تحس انو يحمسك انو حب وكذا اما التقليدي بكيف امك اذا انت ولد وبكيف ابوك اذا انتي بنت (بذات اذا كان الاهل من اللي يجبروا عيالهم او ماياخذو رايهم)
وبكل الحالتين اهم شي الاحترام والود والتفااااهم من البدايه لانو العيشه مع شخص قليل الاحترام او غير متفهم يخلي الحُب مع الايام يزول والعكس صحيح
ماقول انو مافي زواج عن حُب ناجح او تقليدي مو ناجح اكيد فيه بس اللي سمعتو من قصص وتجارب انو الزواج عن حُب ماينجح بذات اذا الاهل ماكانو موافقين بس ((هذي وجهة نظري لاغير))

كل الزواجين قابلين للفشل والنجاح
المهم هو الأختيار الصح
حولي كثير تزوجو عن حب واكثر تزوجو تقليدي
الأثنين في منهم من استمر زواجهم سنين طويلة
وفي من انفصل
دا غير انه ماتقدري تقولي ماابغى اتزوج زواج تقليدي
وابغى عن حب
ماحتروحي تدوري على شخص تحبيه وتتزوجيه
لأن الحب يجي فجأة ومن غير سابق موعد
يعني ان جاك واحد عن طريق الأهل يعني زواج تقليدي
وجا خطبك حترفضيه عشان ماعشتي قصة حب معاه من قبل
اكيد لا
اذا كان مناسب اتزوجي والحب يجي مع الأيام

المهم اللي بتزوجي وشو هو انسان ؟حيوان؟ جماد ؟
أما نوع الزواج ماله علاقة ..

مدري هو انا اللي كبرت او المواضيع هذي فعلاً قديمه ؟
سالفة الزواج عن حب او تقليدي اشوف انها سواليف بايته لاننا وصلنا مرحله انفكت عقد وبرمجات كثير عن اغلب المجتمعات
وبخصوص زواج الحب والتقليدي قلتها مليون مره كلها مثل بعض مافيها فرق المهم انها وصلتهم لزواج رسمي شرعي
وسواء زواج حب او تقليدي كلها مافيها ضمانات ولا حصانات ضد المشاكل والخلافات
وكلها معرضه للطلاق او الاستمرار
بالنهايه الزواج من الارزاق المقسومه من رب العالمين وكلن ياخذ نصيبه وقسمته

مرة شفت حساب احد القضاة قال فيه ان الزواج التقليدي ناجح بنسبة اكبر من الزواج عن حب، نسيت كم كانت النسبة بالضبط
ووحده ثانية قالت ان الزواج عن حب ينشأ منه كثرة الشك بعد الزواج، والملل والفتور اكثر من الزواج التقليدي
كلاهما قابل للفشل، لكن الزواج عن حب بنسبة اكبر وهذا باحصائيات اهل الخبرة في هذا المجال