الزواج الثالث ياحكيمات

السلام عليكم
كيف حالكم بنات
اخوي تزوج مرتين
اول وحدة كانت امها مسيطرة عليها والرجال نبه انه الام مسيطرة على البنت ولاحظ وعبر عن عدم ارتياحه للزواج منها
لكن امي اقنعته وانها تتغير وانت تقدر تضبط بيتك
وفعلا بعد الزواج كانت الام مسيطرة على بنتها بالمختصر و عفوا حتى امور الفراش عند الام
كل شي بالبيت يوصل عند أمها

اذا اخوي كح الام تدري انه اخوي كح 🤣🤣
بعدين بدأت المشاكل بين اخوي والبنت واهلها بسبب هذا الطبع
و بسبب موقف صار والام اخذت بنتها حاول اخوي مرار انه يردها بس عبس الام صممت وخربت بيت بنتها وتطلقت
ثمرة الزواج الاول ولد

جات خالتي وجمعت خالاتي مع امي طلعو بنتيجة وحدة الشاب لازم يتزوج مرة ثانية
اخوي كنسل الزواج بسبب الولد قال خلاص مابتزوج يمكن الله يهدي قلب امها وتردها لي واذا ماردتها عفت الزواج واربي هذا الولد الحمدلله نعمة

امي طبعا رفضت اخر ولد لها يقعد اعزب وزوجته مرة ثانية قعد سنتين بعدين مرة ثانية طلعت مشاكل وكانت تنحل
اهم الأسباب كانت انها تبغى تفصله عن عائلته وخصوصا خواته لازيارات ولا طلعات الا بالعيد مسموح وعالعلن كانت تبدي انزعاجها من هذا الموضوع

اخوي الصغير هذا مع اخوي الكبير رحمه الله حناين عكس اخواني البقية مايدرون فينا
السبب الابرز ظهر هذي السنة

الطفل كبر وصار يتعرف على ابوه والزوجة رفضت وجوده تعرفون مشاكل زوجات الاب وعيال الزوج لي ماتنتهي
تراكمت الاسباب وبيوم ماطر امي اتصلت معصبة شتمت فيني وعلى عيالي وزوجي وانا اعرف يوم تكون بهذا الوضع في مشكلة حصلت

المشكلة كانت انه اخوي طلق حرمته بالثلاثة لا ١ ولا ٢
ثمرة الزواج الثاني بنت وولد
الشاب عمره ٣١ سنة ومطلق مرتين الوضع صار حساس جدا في شباب بهذا العمر الحين يفكرون يتزوجون للمرة الاولى
امي اصعب ماعندها هو الطلاق ماتتقبله
اخوي لي قبله مطلق واختي تطلقت والحين هذا مطلق مرتين
طبعا كانت تبغى تزوجه بس وفاة اخوي الكبير من ٣ اشهر فجعتها والغت مشاريعها

من الامس تتكلم انها بتزوجه للمرة الثالثة على اعتبار الثالثة ثابتة وبدأت تدور على بنت حلال له وبلغتني انا واخواتي ندور
الصراحة اخوي يهمني لكن قاعدة احط الف اشارة استفهام وتعجب على زواجه الثالث وهل ممكن ينجح فيه ولا يطلق مرة ثالثة

بلغت امي تتريث شوي لكن ترفض لو تحصل وحدة الحين بتزوجه والشاب متقلب الافكار مرة موافق ومرة رافض
رأيكم يهمني وابغى اخذ اراء الحكيمات بهذا الموضوع
ماهو التصرف الامثل