يااختي اللي تشتغل في ملهى ليلي ماراح ترضى بالكلام هادا لانه تعرف ايش اللي بيجي وراه

ترا اللي جابه بيجيب غيره واذا هاذي بديتها كيف بتكون نهايتها

وترا مو كل من التحى صار نبي ومايغلط

اذا نفسك غاليه عليتس وعزيزه عندتس ارفضي ومتى ماقدر يتزوج مثل الناس والعالم يجي وبعد زود استخيري بس الوضع اللي ذكرتيه غلط توافقين عليه وحتى لو امير موب تاجر بس هذا حياتس يختي وموب كل مره بتكونين بوجه رجال وحتى لو عنده ضروف يحل مشاكله بعدين يتزوج والمفروض يقولكم وش ضرفه لاتثقين باحد مهما كان

الحين فيه زواج يتم شفهياً بدون عقد؟
تصدقين توني ادري
وهذا مايستحي على وجهه يطلب هالطلب
اقولك حبيبتي انتبهي توافقين انتببببببببببببهي انتي الخسرانة وبكييييييييييييفك

مادري كيف تسمحين لنفسك كذا ؟ وش اللي حادك
خلي ولي أمرك يقول اصبر لما تزين ضروفك وتعال بعقد مكتوب اذا انت جاااااد
لاتصيرين هبله عنده ومالك قيمه لا ياحبيبتي مهما كان الرجال شيخ ومتدين وملتحي مو دليل
الزم ماعليك كرامتك
انتبهي ياأختي
مو رجال اذا يبيك بدون عقد اسمحي لي

نصيحتي لك ارفضيه
او اجليه إلى ماتسمح الظروف لكتابة العقد
ماتظمنين الرجال ولو كان ملتحي
النيه مطيه... ولايعرف مابنيات غير الله
انتي عليك من الظاهر .. ليييييييش مايبي يكتب العقد ؟؟؟
الاسباب غامضه تخليك ماتقدرين تقدمين على هالمرحله بسهوله
استخيري الله يكتب اللي فيه الخيره