يتزوج علي وانا صغيره ولايتزوج وانا عجوز

على الاقل صغيره يمديني اتطلق واشوف نصيبي اما كبيره باسكت وارضى بالامر الواقع

كل وحده تاخذ نصيبها ,بس احس بعض العضوات يتكلمون عن الزواج الثانى وكنه شى مستحدث ,وبعدين الناس يتزوجون
على حريمهم من زمااااااااااااااااان مو من الان على قولتك هابين فيه , والايه القرانيه (ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة وإن تصلحوا وتتقوا فإن الله كان غفورا رحيما) 129


تفسير البغوى
قوله تعالى : ( ولن تستطيعوا أن تعدلوا بين النساء ) أي : لن تقدروا أن تسووا بين النساء في الحب وميل القلب ، ( ولو حرصتم ) على العدل ، ( فلا تميلوا ) أي : إلى التي تحبونها ، ( كل الميل ) في القسم والنفقة ، أي : لا تتبعوا أهواءكم أفعالكم ، ( فتذروها كالمعلقة ) أي فتدعوا الأخرى كالمنوطة لا أيما ولا ذات بعل . وقال قتادة : كالمحبوسة ، وفي قراءة أبي بن كعب : كأنها مسجونة .

وروي عن أبي قلابة أن النبي صلى الله عليه وسلم كان يقسم بين نسائه ، فيعدل ويقول : " اللهم هذا قسمي فيما أملك فلا تلمني فيما تملك ولا أملك " ، ورواه بعضهم عن أبي قلابة عن عبد الله بن يزيد عن عائشة رضي الله عنها متصلا .

وروي عن أبي هريرة رضي الله عنه عن النبي صلى الله عليه وسلم قال : " من كانت له امرأتان فمال إلى إحداهما جاء يوم القيامة وشقه مائل " . ( وإن تصلحوا وتتقوا ) الجور ، ( فإن الله كان غفورا رحيما ) .


لاتتعبون انفسكم وتفكرون بالزوجه الثانيه ,سبحان الله كل وحده مكتوب مين بتاخذ اعزب معدد ارمل ترى ارزاق من رب العباد مالنا دخل
فيها ...كل انسان يعامل الغير بمايرضى الله .


الله يسهل للجميع

التعدد حلال ماقلنا شي
لكن ليش الانانية ؟
عندك قروش زوج واحد اعزب مسكين مو لاقي يتزوج
بالله مو احسن
انت عندك حرمة وعيال خلاص فكر في غيرك
اللي يقدر يتزوج اربع
الله لايهينه يزوج اربع شباب عزاب
كذا يعف بنات وشباب والمجتمع يرتاح من المشاكل والبيوت ترتاح من مشاكل الضراير
والله يابنات انه فيه شباب طايحين في البيوت مو قادرين يتزوجون ونفوسهم بتتشقق على الزواج ومو لاقين مصاريف الزواج
ونفس الشي فيه بنات ماجاهم نصيبهم نفسهم يتزوجون ليش مانجمع بينهم ويعيشون مع بعض بسعادة هو لها وهي له لوحدهم
افضل من انها مسكينة تتزوج نص زوج او ربع زوج اناني مايفكر في غيره وتعيش في مشاكل التعدد

بعض الحريم احس عشان شقفه رجال تحرم مااحل الله  انتي بكلامك هذا تحرمين مأحل الله ؟




ناسيه ان الزوج يحق له يآخذ مثنى وثلاث ورباع .




وهذا مو خراب بيوت او ظلم زي ماتفضلتي .. هذا شرع الله




الزوجه الاخرى اللي تتكلمين عنها مادقت بابه وخطبته ==> هو اللي راح خطبها ؟




يعني كلامك المفروض يكون موجه لزوج مو لزوجه الثانيه او اللي تفكر تاخذ متزوج.




وتأكدي متى ماحط الرجل هالشي في باله مافي احد يمنعه ؟




انتي قومي بواجباتك كزوجه ولاتقصري عليه بشي وان تزوج قولي خيره 




لاتزعلين وتكدرين خاطرك اذا تحبينه ارضي باللي يبيه بعدين يروح للحلال افضل من الحرام 




خليه صدقيني مصيره يرجع ويحس بقيمتك( لاجرب غيرك )




هذا طبعا اذا كنتي حاطته بين الرمش والعين وسوى فيك كذا

سؤال ليش احل للرجل التعداد!!
اللي بتجي تقول ستر للبنات العوانس او كثرو البنات باضربها ههههههه

يا اخواتي الغريزة عند الرجل غير عن المرأة
لان حاجته لها حاجه جسديه تماما مثل احتياجه للاكل والشرب
بينما المرأة حاجتها نفسيه مو معناته انها ماتبغى لا
احتياجها نفسي
هالكلام مو من كيسي هالكلام سمعت اكثر من طبيبه تقوله
انتو شوفو مجتمعنا على بساطته قالو اعزب دهر ولا ارمل شهر
ليييييه
لانه جرب هالشي وخلاص سار يحتاجه

انا من تجربة اكثر من وحده في رجال يطلب زوجته اكثر من مره باليوم لو على مزاجه كان كل شوي

تخيلي هالنوع زوجك في البعض تقدر تساير زوجها بحاجته لكن في حريم لا
شوفي نفسك لم تكوني منظفة البيت كللللله وغسيل وكوي وطبيخ مايجي اخر النهار الا وانت منهكه لو طلبك زوجك مالك نفس من التعب او مثلا لو حامله هم مشكله عند اهلك ومرررره متضايقه منها وبالك مشغول وطلبك هنا انت مو معاه وممكن تسايره وانت ماتبغي
هذا غير اللي ماخذه ادويه وماثره عليها وغير اوقات الدورة وكمان اوقات اللي قبل الدورة للي تاخد منع حمل وغير وقت النفاس
ويالموظفات شوفو نفسكم من هم الشغل على هم البيت اغلبكم بعض الاوقات يكون مالها مزاج او مافيها شده

لنكون صريحين مو كل وحده تمدح بنفسها وانها مثاليه او المراة الحديده
اللي لها طاقه تلمع بيتها وتهتم بشغلها واولادها وتدي زوجها حقه ومايأثر فيها

السبب واضح للتعدد وهو الغريزة او للاولاد هذا للي ماتخلف
لكن البعض كذابين يتزوجو فشخره تلاقيه تكفيه وحده ومسوي فيها وبعضهم قال ايه بيستر على البنت لييييه شايفها عريانه تراها عايشه ومبسوطه ببيت اهلها ياعيني يالمنقذ