حتى عندنا في الجنوب كل شي على اهل الولد الزواج كامل اذا البنت تبي تسوي ملكه ولا خطوبه على اهل البنت

أحنا عندنا عيييييييييييييب بحق الزوج يدفعون أهل زوجته ريال بالزواج ,

أنا حتى زوجي رفض أني ادفع حق الكوشة و الزفة من مهري هو اللي مر المحل و دفع لهم , على أن مهري كان أكثر من 70 ألف تبارك الرحمن


و السفر و الشقة و كل شيء على المعرس , هي عادات و تقاليد و حسب الأوضاع المادية لكل زوج , و على أهل الزوجة يراعون ظروف الزوج المادية لو كان ميسور الحال يخففون من المهر و الطلبات

عندنا بالجنوب
الملكه على اهل البنت
ليش ؟؟
لان اهل العريس يجون بيت اهل العروس ب اقاربهم يملكون ويتعشون عندهم ( اهل العروس يحلفون تتعشون)صعب ما تعشي ضيوف اول مره يدخلون بيتك
ف بدال ما يتعبون اهل العروس يحطونها ب استراحه او قاعه او بيتهم اي مكان يناسبهم
المقصد انهم ضيوفهم وبيضيفونهم
الزواج على اهل العريس
الغريب ان عند بعض الناس وخصوصا القصمان على اهل العروس
ما اقوله من راسي جاراتنا قصيميه وزوجوا اختها
وساكنه بحي اغلبه قصمان
ودايم العرس عليهم

انا لو ادفع على عرسي انا اللي بختار المعرس بكيفي

مهب اقعد لين يجي اي واحد وادفع عليه بعد !!

الرجال لانه يدفع المهر ويسوي الزواج .. يختار بكيفه من بنات خلق الله و يتزوج بالوقت اللي هو يحبه

مو حنا يدنا على خدنا ننتظر والله اعلم وش يكون

بس الحين سمعت عن شئ ثاني ..

اسمع انه فيه ناس معاد يسووون عرس ابدا ,, يجي وياخذها وبعد شهر العسل يسوون حفل استقبال

انا بالنسبه لي احترم كل الناس .. وكل العادات .. وكل واحد بكيفه .. المهم يتوافقون مع بعض

يعني ياما اعراس وصل صيتها لاخر الدنيا كلها شهرين وطلاق من كلام الناس ونصيب

يعني كل واحد بكيفه


بالنسبه لنا حنا .. الملكه على البنت والزواج على الرجال وملكتنا كنها زواج قاعات وزفه وعشا وكروت دعوه اللهم العروس تلبس لون مهب ابيض وصلى الله وبارك

اللي اعرفه من عادات الناس في نجد ان الزواج يكون في بيت اهل العروس
ولذلك كرم اهل العروس انهم يضيفون معازيمهم حتى لو كانوا المعرس واهله

لكن يوم تطوروا الناس وصاروا يحطون عروسهم في قاعات جت مشكلة العرس على من!!؟

احيانا الزوج ما يحب الفخفخه ويبي عرس بسيط في البيت فأهل البنت يرفضون يبون عرس كبير وطقاقه ومدري ايش
فهنا يجي اتفاق بينهم والغالب انه اهل العروس يتكفلون به لانهم هم الي يبون

مثلا انا يوم تزوجت زوجي يبي عرس عادي
عزمنا اقاربنا في بيتنا وسوينا عرس عادي ذبايح وعشاء وجاء الزوج ومعه اهله وبعض اقاربه
واليوم الثاني سوى هو عحفل ثاني يسمى التحوال في بيت اهله وحضره اقاربه وبعض اهلي

لكن في زواج اختي قالوا حنا نبي عرس كبير وبنعزم كثير وهذا ولدنا الاول نبي نفرح به!!
قال ابوي سووا اللي تبون
وصارت كل تكاليف العرس عليهم !!