كل الخيالة كلهم ,, لا فرق الله شملهم http://www.******.com/vb/******style/smilies/zgroda.gif
الزواج و ما ادراك ما الزواج !!
مشاكل نص البنات تبدأ بـ الزواج و تنتهي بـ الزواج
المتزوجة ماهي مستانسة :
زوجها مو معطيها وجه ,, اهله متسلطين ,, هوه بخيل ,, بزورتها اشغلوها ,, تتناقر مع المحروس على
السوق و على الخرجة و على زيارة الاهل و كل حاجة http://www.******.com/vb/******style/smilies/women.gif
والبنت ماهي مستانسة :
تبغى تفتك من اهلها و تسلطهم ,, تبغى تعيش جو الافلام الابيض و الاسود ,, صاحبتها اتزوجت وهي لا ,,
المجتمع يقول عنها عانس
مدري هل انا الوحيدة اللي تحس انه عندنا شيء غلط في مفهوم الزواج او لا ؟!
اتحدى اي وحدة سواء بنت او متزوجة احد يسألها ايش هوه الزواج و تعرف تهرج صح !!
اساسا اذا جيل الامهات ما يعرف ايش هوه الزواج تتوقعوا البنت رح تعرف ؟؟
عندنا العرس زي البطيخة انت و حظك http://www.******.com/vb/******style/smilies/maired.gif
مو مشكلة ,, في النهاية الدنيا ارزاق
بس حتى هـ الرزق لو ما عرفت تتصرف فيه رح يضيع منك
وحدة من صديقاتي انخطبت من فترة ,, و طايرة من الفرح و متشققة كمان
اسألها ايش فيك تقول امي رضيت اشتري في جهازي تنورة قصيرة !!!!
طبعا عادي فيه عوائل جدا محافظة مو مشكلة
المشكلة فين ؟ لما ورتني التنورة
يالهوي ,, http://www.******.com/vb/******style/smilies/******family/omasel.gif
تخيلوا انه التنورة مو قصيرة من نص الفخذ ,, لا
مو قصيرة من الركبة ,, لا
مو ميدي من نص الساق ,, لا
تنورة فوق الكاحل حاجة بسيطة جدا جدا جدا
لما شفت الوضع كذا استحيت اسألها انتي قدرتي تشتري ملابس نوم !!
خفت انصدم بـ الواقع
واستحيت اسأل البنت انتي تعرفي ايش يصير في ليلة الدخلة و لا لا
لانه الواضح جدا انها ما تعرف
اللي ابغى اوصل له اذا فيه عوائل ما تزال الى هـ الحد في هـ الامور كيف ممكن يعدوا بنتهم
لـ شيء اسمه زواج
انا عندي اخوات كبار ,, و صاحباتي كثير ,, و اختلط بـ بنات اكثر ومن كل المناطق
ومن كل المستويات
نسبة بسيطة جدا منهم اللي تتزوج لانها مستعدة نفسيا لـ الزواج
لانها تبغى تستقر ,, لانها تبغى تبني بيت و عيلة ,, لانها تعرف انه لها احتياجات لازم تلبى http://www.******.com/vb/******style/smilies/lovebed.gif
كل البنات قبل الفرح اسألتهم هيه هيه
ركبتي سوداء كيف افتحها ,, بشرتي معدومة كيف تصفى ,, شعري مهلوك و احتاج له علاج
وبعد الزواج برضوه اسأله من نوع
المنطقة الحساسة غامقة ,, كيف اضيق المدري وشهو ,,
طيب حلو الوحدة تعتني من برى ,, لكن بس خلاص هذا هوه كل شيء
معاك ادمي ثاني يقاسمك حياتك و فراشك و اكلك و وقتك و كل شيء
هـ الادمي هذي حيطة ماله اي اهتمام !! ولا احد يقول طيب الفرك هذا كله عشانه
لا مو عشانه ,, الفرك هذا عشان لما تطلعي قدام اهله تكونين تلقين ,, الفرك هذا عشان يقولوا
الناس يا زينها بـ عرسها ,, الفرك هذا عشان نفسك و عشان تسمعي كلام حلو وفي احسن
الاحوال الفرك هذا عشان عين الرجال ما تلف لا يمين و لا شمال يعني بـ رضوه تتفركي عشان
مصلحتك مش عشانه
وبعدين اوكي العلاقة مهمة في الزواج بس تراها مو كل شيء
ملكات جمال و ازواجهم يخونوهم ,,
ممثلات اغراء من الطراز الرفيع ما قدروا يدوموا في زواجاتهم
قالوا لكم هذولا ناس ما يعرفوا شيء عن العلاقات ؟ الا يعرفوا و نص
ليش فشلوا ؟ بـ اختصار لان الزواج مو بس علاقة حميمة و انتهينا
اذا ما تعرفي تفكير الرجال اللي قدامك عمرك ما رح تملكيه
و بـ طاري تملكيه
من اكثر الاشياء اللي ترفع ضغطي لما تجي وحدة و تقول ابغى زوجي خاتم في اصبعي http://www.******.com/vb/******style/smilies/devil3.gif
ترى محلات المجوهرات على قفى من يشيل ,, روحي اشتري خاتم و فكي عمرك
استغرب جدا من اللي تبغى زوجها امعه ,, تقوله يمين يروح يمين و تقول له شمال راح شمال
مو معناته انه لازم يكون الرجال نحيس ,, بس انا كيف احس بـ رجولته اذا ما كان له رأي و موقف
كيف اعتمد عليه اذا انا لازم ادير و اسير كل شيء ,,
الاردى اللي من هـ النوع يزعلوا لو مالقوا رجال من هـ النوع !!
و تجيك الام تخرب كل شيء على بنتها
افاااااااااا ,, ما طاعك ,, ليه ؟ قليل الخاتمة اللي ما يخاف ربه هذا واحنا مدلعينك و موصينه عليك ؟؟
اي دلع فهموني ؟
نص البنات في الدول العربية سمعوا المقولة المشهورة في بيت اهلهم ( سوي اللي يعجبك اذا اتزوجتي )
و ركبوا في روسهم انه الزوج سحر ,, يسوي لك كل شيء و يوفر لك كل شيء
اساسا من الاصل احس البنت اللي تكلم امها عن المشاكل بينها و بين زوجها خفيفة عقل
مو لـ شيء ,, بس امك تحبك ,, يعني ايش ما كان ما رح تنسى لـ زوجك اسائته لك
بـ عكس البنت اللي يجيها زوجها يقول لها كلمتين حلوين و تنسى كل الدنيا و تروح معاه
من البر انك تخبي على امك مشاكلك مع زوجك في النهاية رح تقلق و تتوتر وانت ينصلح حالكم
وما دريتوا عنها
وفيه بنات ,, من يتزوجوا يقلبوا نظام مباحث و استخبارات في البيت
تفتش زوجها و جيوبه و اغراضه و جواله و لابه بـ حجة ما ابغاه يستغفلني
بـ صراحة اللي تسوي كذا اكبر مغفلة في التاريخ
يعني ولو لقيتي عليه شيء ايش رح يصير ؟ تتطلقي منه ؟ تطلعي من زوج خاين لـ مجتمع ظالم
تبقي معاه ؟ بدل ما كان يخونك بـ السر رح يصير يخونك علني و تبقي مكسورة طول عمرك
خلاص حسيتي انه يخونك ,, دوري وين الخلل ,, ايش اللي شافه في غيرك و ما شافه فيك
و صلحي الخلل ,, و استرجعيه في النهاية هذا حقك
من دون حركات الخنقة و على الصغيرة و الكبيرة تفتشي وراه و مصيبة عاد اذا الرجال فعليا مو مسوي
شيء غلط !!!
و الاقل عقل من هذولا كلهم اللي تنبش في علاقاته القديمة و تحاسبه عليها
البنت ممكن تعرف بـ طريق الصدفة انه زوجها مثلا كان متسمي لـ وحدة ثانية او يميل لـ قريبة
من قرايبة ,, بس في النهاية طلع من نصيبها فـ ليش تحاسبه ؟
بـ العكس رح تخليه يرجع يفكر في اللي نسيها منذو مبطي بـ شكها و هوسها
الزواج اجمل علاقة في الدنيا قدرنا بـ قدرة كريم انه نشوهها بـ اكثر من شكل http://www.******.com/vb/******style/smilies/ne/14.gif
اتمنى كلمة من نوع ( اذا اعرستي سوي اللي تبغي ) تختفي من قاموس العائلات
اتمنى يجي يوم قبل ما الوحدة تتزوج تفكر ولو لـ مرة وحدة انها تقرى و تستقري طبيعة الرجل
خاصة الرجل اللي قدامها
اتمنى الامهات يخافوا الله في بناتهم اللي هم امانه بين اياديهم ويعلموهم ايش يعني حياة زوجية
ترى لا الطبخ و لا الجمال و لا السنع و لا الدبرة كلها تخلي البنت تعمر في بيت زوجها
اتمنى انه يجي يوم يبطلوا البنات يتزوجوا لـ مجرد الزواج ,, يبطلوا يتزوجوا لانه المجتمع بيقول هذي عانس
يبطلوا يتزوجوا لـ مجرد انه صاحباتهم اتزوجوا
http://www.******.com/vb/******style/smilies/no.gif
أعجببببببببني وقلت انقله للجميلات بنات حوء
حساسة حيل @hsas_hyl
عضوة فعالة
يلزم عليك تسجيل الدخول أولًا لكتابة تعليق.
مو كل الناس كدا مجتمعي البنت ملكه عند اَهلها ولاتتمنى فراقهم ولاتفكر بالزواج أبدا يعني حسب المجتمع والعقلية والمستوى التعليمي والثقافي تلاقي الثقه بالنفس والطموح والرفاهيهمو كل الناس كدا مجتمعي البنت ملكه عند اَهلها ولاتتمنى فراقهم ولاتفكر بالزواج أبدا يعني حسب...
ب اختصار
في محكم كتابه الكريم
(ولقد خلقنا الانسان في كبد)
مافيه احد مرتاح
لامتزوجه
ولاعازبه
ولاالي عندها عيال
ولاالي ماعندها
حنا في دار عمل عشان كذا طموحات واحلام الانسان ماتوقف رحمه من ربي
في محكم كتابه الكريم
(ولقد خلقنا الانسان في كبد)
مافيه احد مرتاح
لامتزوجه
ولاعازبه
ولاالي عندها عيال
ولاالي ماعندها
حنا في دار عمل عشان كذا طموحات واحلام الانسان ماتوقف رحمه من ربي
الصفحة الأخيرة
مجتمعي البنت ملكه عند اَهلها ولاتتمنى فراقهم ولاتفكر بالزواج أبدا
يعني حسب المجتمع والعقلية والمستوى التعليمي والثقافي تلاقي الثقه بالنفس والطموح والرفاهيه