الله يجزيكم خير على هذا التواصل الرائع
تقبلوا تحياتي

الخطابة هي وسيلة من طرق الزواج واعتقد ان الخطابة يلجأ إليها الناس لأسباب ولمواصفات معينة عندما لا يجدها الناس عن طريق معارفهم وأقاربهم او لأسباب خاصة .
والخطابة عندما تكون مخلصة في عملها بين الطرفين تستفيد ولها الأجر والثواب عند الله بالتوفيق بين الزوجين بالحلال .

طيب زهرة يصير احسن اني سئلتك واستفهمت منك اكثر عشان ماأشيل في نفسي منك خصوصا انا بذا المنتدى خوات وقلوبنا على بعض
بنت عمي مرة قالت لي نصيحه خليها بالك( ان شلتي في خاطرك من حد لاتسكتين سئليها واستفهمي منها الشيطان قوي) والحين يوم فهمت مقصدك بصراحه احترمت وجهة نظرك ولا شيلين مني شي (f) وهذي وردة :)
على فكرة حتى احنا برضه اخر شي انفكر فيه الخطابه وننظر لها نظرة خاصه شوي بس سبحان الله احيانا الخطابه توفق بين اثنين وتقرب بين عوائل مايعرفون بعض
الله يوفق الجميع على الخير

بقول لك شي
صحيح ان الخاطبه شر لابد منه بس لا هو حرام ولا ممنوع
بس الله يهديهم الخطابات يخلون الشينه قمر والرجال العايب اللي مافيه شي شهم وراعي واجب
بس فيه كثير ارفهم تزوجوا عن طريق الخطابات
بس ايش الام تقول للخطابه ابي تجيبين لبنتي عريس كذا وكذا وكذا وتجيب الخطابه نفس المواصفات
انا شخصيا اعرف ناس قالت الام ابي " فلان" لبنتي ( عاد متزوج مو متزوج مو مهم تبيه وبس) قالت الخطابه صعبه شوي قالت هذي خمسين ( الف) قامت الخطابه جابته وعايشين في سبات ونبات ومخلفين صبيان وبنات
انا بالنسبه لامي اذا جتها مكالمه وعرفت انها خطابه تقول لا ياختي بناتي مخطبين واحنا مو مخطوبات بس تقول ان الخطابات اذا رضوا عن الام زينوا كل شي واذا زعلوا عليها يقلبون الطاوله عليها
بس برضه ارجع اقول الخطابه ماهي عيب ان الواحد يتزوج عن طريقها اي نعم اني انا مااحبذ هالفكره على نفسي
عندي ان امه او اخته او اي احد ( يذكر) البنت احسن بكثييييييييير
وتستغربون لو قلت لكم ان احسن شي الولد هو اللي يختارها بنفسه هي صعبه شوب بس هي افضل
ارجوكم لاتفهموني غلط
يمكن تكون بنت عمه بنت خاله بنت جيرانهم صديقة اخته وشافها وهي صغيره ولمن كبرت فكر يتزوجها او مسافر وشافها برا وكذا
والله يرزقنا الرجل الصالح اللي يبرنا ويخاف الله فينا
والمتزوجات : الله يخلي لهم رجالهم وحننهم عليهم ولا ييتم عيالهم
وشكرا

الزواج عن طريق الخطابه عااااااادي ومافيه أي شيئ من وجهه نظري بس بصراحه أحس أنه مو مستحب إلا إذا عجزت الفتاة او الرجل عن الزواج بالطرق الأخرى