زهرة الميرام :

السلام عليكم جميعاً.. انا عضوة جديدة ماسجلت في المنتدى ودخلت الا اني ودي افضفض اللي جواتي الحمدلله على قضاءه وقدره انا من يوم كنت في الثانوي وكنت انخطب كثير حتى قبل خواتي الثنتين الكبار مو مره فارق سن بيني وبينهم تقريباً حنا ورى بعض ولا واحياناً يعطوني اكبر منهم ..وانا كنت احلى من خواتي بنظر الناس وسبحان الله كل اللي جو خطبو خواتي جاين لي انا بس عشان الاصغر امي ماتوافق فتزوجوهم خواتي سبحان الله مكتوب لهم النصيب المهم صرت انا اللي الحين وقف علي الدور وماشاءالله تبارك الله خطابي كثار اللي من اقاربي واللي من بعيد بس للاسف مافي احد كان منهم مناسب لي ومرت السنين لين صار عمري ٢٧وعشرين حسيت اني كبرت وكبر همي معي وجاء خاطب لي من اقاربي وماسالنا عنه الاخاله ومدح فيه وحتى ابوه في الخطبة ابوي اخذه على جنب وساله وقال ولدي سيدا ..المهم تمت الخطبة والزواج على طول كانو عجلين يبغون الزواج واتزوجت في شهر العسل كنا مسافرين برا وعلى اخر السفرة شفته يشرب وتهاوشت معه وبكيت ورجعنا للرياض وماقدرت اقول لاهلي وبعد الرجعة بكم يوم اكتشفت انه مايصلي وقعدت ابكي واصلي وادعي ان الله يهديه بعدين رحت لاهلي وماقدرت ارجع له كارهته كره وفوق هذا كان شكله جداً اقل من عادي هذي خلقة ربي له بس مع ذلك مايقدرني رغم عيوبه المهم استخرت وانا في بيت اهلي واستشرت اكثر من شيخ وبعدها قررت الطلاق منه وقلت لامي وانا كنت خايفه اهلي يرفضون بس طلع العكس شجعوني وقالو لابارك الله فيه ولا اللي دله علينا ورفعت خلع عليه وتم الطلاق الحمدلله وفرحت فرح شديد اني تطلقت منه وارتحت ..ولكن بعد الطلاق اكتئبت لدرجة افكر بالموت لين مر على اكثر من ٦شهور وراح الاكتئاب الحمدلله بس الى الان كل بين فترة وفترة يجيني وضيق وابكي اني صرت مطلقة والحين صارلي فوق ٣سنوات مطلقة ولاحد خطب ولا شي رغم قبل اتزوج كنت انخطب كثير ..ودخلت الثلاثين واحس اني كبرت ومطلقة من يبي يتزوجني احياناً كذا افكر واخاف ماتوفق بالزواج الثاني و يجيني شعور محبط مره واحياناً اتفاءل بس اللي مخوفني انا محد يخطب وعمرى بدا يكبر ولا وظيفة تقبلني ولامعدل يخليني اكمل دراسات ..مجرد فضفضة وياليت تعطوني قصص تفاؤل حقيقة للمطلقات تزوجو ونجحو بحياتهم 🌹

السلام عليكم جميعاً.. انا عضوة جديدة ماسجلت في المنتدى ودخلت الا اني ودي افضفض اللي جواتي...

متفائلة 2018 :

هلا بنات جزاكم الله خير ردودكم بلسم على قلبي الوحده تدور الستر وتحاول ومثل ماقلتم الرزق عند الله يعلم الله اني اجتهد واني احاول مااركز بموضوع الزواج واعيش حياتي لكن هي رغبه في النفس وبالخاطر الحمدلله على كل حال لي اكثر من تجربه بالموقع اتعبتني نفسيا مره شخص خذا معاي مثير وحقق معاي وكان كاتب اسئله ومطلوب ارد عليها بصفحات طبعا هذا كله بالموقع لاني ارفض اي تواصل خارجي وبعد هذا كله قال ماتناسبيني وانتي لعبتي علي كنت احسبك متدينه ومن هالكلام جرحني كلامه خاصه لما قال انس تنازلت واخذ وحده كبيره وهو اكبر مني لكن الرجال عاد بعد فتره عاد يرسل شكله ضيع وقال تاخذين واحد غير متجنس وليس مواطن انقهرت لان بالتواصل السابق مابقى شي ماسالني عنه وخبى عني هالمعلومه شخص ثاني تواصلت معاه وطلب تواصل بالموقع يعني خطبه وكان يفترض يرسل معلوماته للمشرفين لكن سحب وماارسل مستغربه كيف رجال كبار يعملوا كذا وش حادهم اذا بنات فيه مواقع كثيره يقدروا يغازلوا فيها البنات ليه يدخلوا موقع اسلامي فيه بنات تبي الستر و الزواج فقط مستحيل بنت تدخله تبي اللعب الله يغنيني عنه ويرزقنا من واسع فضله من حيث لااعلم ولا احتسب صابره ومحتسبه و الحمدلله جزاكم الله خير وكتب لكم السعاده في الدارين الله يرزقكم بنات ويفتح لكم باب رزق لم تكونوا تتوقعوه يارب

هلا بنات جزاكم الله خير ردودكم بلسم على قلبي الوحده تدور الستر وتحاول ومثل ماقلتم الرزق عند...