السلام عليكم ورحمة الله خواتي العزيزات الزواج موضوع يشغل تفكير الكثيير من البنات أوحتى اللي سبق لهم التجربه ومانجحوا فيها
موضوع الزواج بقدر مايحتاج للتفكير والتروي والسؤال بالأخير هو نصيب وقضاء وقدر
وبمجرد مايطرق خاطب باب الفتاة تحتار كثير
وتفكر كثيير وتبدأ بسؤال سواء خواتها أو صديقاتها المقربين أو زي بعض البنات اللي تلجأ للمنتديات
وممكن تزيد حيرتها أكثر بسبب اختلاف تجارب الآخرين ...
لازم كل وحده تعرف إن الله خلقنا وجعل بيننا اختلافات في التفكير والقدرات والطباع
واللي يناسب غيرك يمكن مايناسبك عشان كذا أول شي تسويه ادرسي الموضوع من عدة نواحي من حيث العمر والصفات رغباتك انتي وقدراتك وانتي الوحيده اللي تعرفي نفسك ممكن نستفيد من تجارب الآخرين بس أبدا ماتكون سبب في إقناعنا هي ممكن تفتح عقولنا على شيء كنا غافلين عنه تنورنا
لكن في النهايه لازم يكون عندك قناعه ومقتنعه بهذا الرجل وبمواصفاته لو في نفسك شيء منه وتعرضتي للإقناع واستسلمتي وكملتي الطريق على أمل إنك تتزوجي بس وبعدها راح تقتنعي ..فأنا أقولها لك يمكن تتندمي على هذا القرار وكثيير أول ماتجيها مشاكل تبدأ تلوم اللي أقنعوها الله يسامح امي هي زوجتني الله يسامح ابوي ياويله من الله أخوي وأنواع من كلمات اللوم والندم والأدهى والأمر لو كانت إنسانه عاطفيه وماتقبلته هنا الخوف عليها أكثر من االي تتصرف بعقلها
وهالكلام ينطبق حتى على اللي تتطلق بدون قناعه أو بإقناع من أهلها تعيش طول عمرها متندمه ولو كان مايستاهل وصعب خروجها من دائرة جلد الذات
قناعتك مهمه جدا لاتستسلمي لآراء الباقيين إلا إذا فعلا حسيتي انها فتح الله بها على بصيرتك واستنار تفكيرك على شيء كنتي غافله عنه
اللي تنصحك وتقولك أهم شيء تصيري أم هذي أمومتها عاليه وحبها للأطفال يدفعها لللزواج بهدف الأمومة
واللي تقولك أهم شي مقتدر ماديا وبيعيشك عيشه كريمه قد تكون إنسانه ماديه وسعادتها بالماده أو بالإستقرار في منزل خاص
وكثيير نفس هالأمثله
طبعا إذا تزوجتي وانتهى الأمر الوحده تبذل الأسباب وتبحث عن حلول عشان يسير المركب بقدر إستطاعتها وبعد ذلك لايكلف الله نفسا إلا وسعها
كتبت هالموضوع لأن كثيير نقرأ مواضيع استفسار عن زواج من شخص معين والبنت ماعندها قناعه وتبحث عن اللي يقنعوها سواء يحالته الإجتماعيه أو بصفاته الخلقيه والخُلقيه
وكثيير قرأنا بنات يبغوا الطلاق لأنهم ماقدروا يقتنعوا أو يتقبلوا هذا الزوج وطبعا الإستخارة مهمه جدا
ماخاب من استخار ولاندم من استشار
وكلنا في النهايه لازم نرضى بقضاء الله وقدره
إن أحسنت فمن الله وإن أسأت فمن نفسي والشيطان
